inuussutissarsiorneq

KNI 101,2 millioninik sinneqartoorpoq

Namminersorlutik Oqartussat niuernermut suliffeqarfiani sinneqartoorneq annertooq siulersuisunilu ilaasortortat nutaat

Peter Grønvold Samuelsen, KNI
-mi pisortaq Peter Grønvold Samuelsen KNI

KNI sisamanngornermi Sisimiuni ileqquusumik ataatsimeersuarpoq.

Naalakkersuisut siulittaasuat Kim Kielsen (S), piginnittunit peqataavoq.

Ileqquusumik ataatsimeersuarnermi ukioq 2015-16 naatsorsuiffiusoq akuerineqarpoq.

Illoqarfinnut nuuttut
- Ukiumut angusat akileraarut ilanngaatigereernagit 101,2 millionit koruunit takutippaat suliffeqarfissuaq aqulluarneqartoq aammalu aningaasaqarnikkut ingerlalluartoq, taamalu angusarisartakkaminik pitsaasunik ingelatitsiinnartoq, siulersuisunut siulittaasoq, Niels Thomsen, nalunaarummini oqarpoq.

- Niuernikkut pissutsit sakkortuneruleraluartut, ilaatigut nunaqarfiit ilaasa illoqarfiillu mikinerusut inukilliartornerat eqqarsaatigalugu, taamaattoq ukiumut siulianut sanilliullugu angusat pitsaanerulerput.

Atuaruk: Bananit piiarpai

Naalakkersuisut siulittaasuat Kim Kielsen KNI-p angusarissaarnera pillugu nersualaarinnippoq, sulisut, aqutsisut siulersuisullu qutsavigalugit.

- KNI-p unammiligassai akisussaaffiilu eqqarsaatigalugit Naalakkersuisut isumaqarput ukiumi angusat naammagisimaarnartuusut angusallu KNI-llu oqaluttuarisaanerani angusat pitsaanerit ilagigaat.

Millionerpassuit kaaviiaartinneqartut
Ataatsimeersuarnermut inassutigineqartutut ataatsimeersuarnerup aalajangerpaa, piginnittunut 20 millionit koruuninik sinneqartoorutisiaritinneqassasut.

Taakku saniatigut ukiumi naatsorsuuteqarfiusumi sulisut akileraarutaat 72 millionit koruuniusut, kiisalu 12 millionit koruunit selskabsskat akiliutigineqarput.

Atuaruk: Hans Enoksen Qeqertarsuatsiaani niuertunngussaaq

Siulersuisunut ilaasortat Bodil Nyboe Andersen, Annette K. Sadolin, Høgni Hansen aamma siulersuisut siulittaasuat Niels Thomsen ataatsimeersuarnermi qinigaaqqipput.

Nutaatut qinerneqarput Najaaraq Kreutzmann Christiansen aamma Søren Jakobsen.

Atuaruk: Pilersuisumi sulisut nutaanik atisartaartut

Powered by Labrador CMS