Danmark
Pinngitsaaliineq: Pasisaq politiit mobilikkut sumiissusersigaat
Attaveqaatitigut paasissutissat misissornerisigut sukkasuumik tigusarinnittoqarpoq
Angut kalaaleq arnamut Københavnimi pinngitsaaliisimasutut toqutseriarsimasutullu unnerluutigineqartoq, pinerluffigineqartup mobiltelefoniata nassaarineqarneratigut paasineqarpoq.
Sumiiffiullu eqqaani videoliuutit nakkutilliisutit atorlugit pinerluuteqartup pasineqartut qanoq isikkoqarneranut paasititsipput. Ekstra Bladet allappoq.
Atuaruk: Kalaaleq pinngitsaaliisutut toqutseriartutullu Danmarkimi tigusarineqartoq
Politiit pinerluuteqartup arnap pigisaanik tigusisimanissaanik ilimasuuteqarsimapput, ilaatigut mobili. Politeerlu attaveqaatinik immikkut ilisimasalik paasiniaasunut aqqutissiuivoq.
Sumiiffinnut assigiinngitsunut taakku paasissutissat misissoramigit, politiit oqarasuaammik siullermik ujaarlerfigisaasa kitaanukartippai.
Marlunngornermi unnukkut nalunaaqutaq aqqanernut - arnap ilisimanngitsup nassaarineqarneranit akunnerit arfineq-pingasut qaangiuttut - politiit arnap mobilia pigisaalu allat nassaaraat.
Taakkulu angutip qimaanerani aqqummut nassaarnissamik, nakkutilliinermiillu videoliat atorfissaqartinneqartut pissarsiarinissaannut pingaaruteqarsimapput.
Atuaruk: Kalaaleq toqutseriartutut pinngitsaaliisutullu Københavnimi paarnaarussaavoq
Taanna angut kalaaleq 29-nik ukioqartoq pingasunngornerup unnuaani nassaarineqarpoq.
Politiit arnaq taanna arpattoq suli apersorsimanngilaat, annertuumik nakorsaatitortinneqarmat eqqissisimaartariaqarlunilu, aviisi allappoq.