københavn
Kalaaleq pinngitsaaliisutut toqutseriartutullu Danmarkimi tigusarineqartoq
Angut 29-inik ukiulik Nunatsinneersoq toqutseriartutut aamma arnamut Københavnimi arpattumut pinngitsaaliilluni arnerisutut unnerluutigineqarpoq
Arnaq 38-nik ukiulik marlunngornermi Københavnimi Danmarkimi ullaakkut persuttarneqarlunilu pinngitsaalineqarpoq.
Angut 29-nik ukiulik Nunatsinneersoq arnamut 38-nik ukiulimmut kingorna toqutseriartutut pinngitsaaliisutullu unnerluutigineqarpoq, BT.dk pingasunngornermi taama allappoq.
Angut taanna arnarmut timersorluni arpattumut toqutseriartutut unnerluutigineqarpoq, taassuma persuttaaneq atorlugu Københavnimi Sporløjfen 10-mi orpikkanut pisikkamiuk.
Sakkortuumik saassussisoq
Angutip taamma annertuumik persuttarpaa, ingammik kiinaatigut niaquatalu tunuatigut, allunaasamillu assingusumilluunniit qimeriaraluarpaa, taamatullu niaqqumigut aanaartoorpoq silaarullunilu, atisaalu piaariarlugit atoqatigaa, kingornalu orpikkani ilisimanngitsoq qimappaa, ullormilu tassani nalunaaqutaq 14.55 Danmarkip nalunaaqutaa malillugu nassaarineqarpoq.
Angut taanna kalaaleq unnuaq Københavnimi tigusarineqarsimasoq, Københavnip politiivini misissuinermut aqutsisoq, Hans Erik Raben, BT.dk-mut oqarpoq.
Videoliuut nakkutilliissut
- Videomi nakkutilliissummi takusinnaavarput, taanna pinerluuteqarfimmut pinerluttoqarnerata nalaani qanittuararsuarmiittoq. Tamanna soqutiginartupilussuuvoq, taamaattumillu politiinut angalasunut assinik nassiussisoqarpoq, iluatsipporlu, misissuinermut aqutsisoq BT.dk-mut oqarpoq.
Angut 29-nik ukiulik angerlarsimaffeqanngitsoq toqutseriartutut immikkullu ulorianaatilimmik pinngitsaaliisutut unnerluutigineqarpoq.