Politikki
Partiit marluk annertuumik akiligassaqartut
IA Atassullu 2015-imut partiimut naatsorsuutiminni sinneqartoorput. Namminerli aningaasaatitigut annertuumik amigartoorput
Sara Olsvig IA-mi siulittaasortaatut neriorsuivoq partiip aningaasatigut ingerlanerliornera aaqqinniarlugu.
2015-imi anguniakkani qanillilaarsimavaa sulili anguniagaq ungaseqisoq Inuit Ataqatigiit ukiumut nalunaarusiassatut siunnersuutaani AG-mit atuarneqartumi takuneqarsinnaavoq.
Akiligassaq annertooq
Ukiumi angusat takutippaat 266.000 koruuninik sinneqartoortoqartoq. Aningaasat taakku erngerlutik ukiumi tullermi naatsorsuutinut ingerlatinneqarpoq aningaasat tigoriaannaat pitsaanerulersinniarlugit. Namminerisamimmi aningaasaatit ajortumik inissisimapput. 1,6 million koruuninik amigartoorfiupput; akiligassat 1,7 million koruuniullutik.
Inatsisartuni partiit minnersaata Atassutip naatsorsuutit aamma saqqummiuppai taamatullu aamma nammineq aningaasaatitigut annertuumik amigartooruteqarluni; million koruunit affai sinnerlugit. Akiitsut piffissap sivikitsup ingerlanerani akilerneqartussat katillugit 1,3 million koruuniupput.
Taamatullu inissisimasoqarneratigut kukkunersiusut mianersoqqusipput. Partiillu siuttuisa IA-tulli oqaatigaat ingerlatsiinnarnissaq nalorninartoqartoq, ‘siunissamili sinneqartoortarnissaq qulakkeerniarlugu annertuumik sulisoqartariaqartoq’.
Atuaruk: Partiit: Siumut kisimi sinneqartoorpoq
AG-mi uani sapaatip-akunnerani saqqummertumi allaaserisaq tamaat atuaruk. Aviisi aamma uani pisiarisinnaavat: