aningaasaqarneq
Partiit: Siumut kisimi sinneqartoorpoq
Inuit Ataqatigiit 2013-mi 600.000 koruuningajannik amigartoorput
Kalaallit Nunaanni politikkikkut annertuumik 2013-mi pisoqarpoq. Inatsisartunut marsip aqqarngani qinersisoqarpoq kommunimullu apriilip aappaanni qinersisoqarluni.
Inuit Ataqatigiit partiinit tamanit amigartoornersaapput, 2013-mi 600.000 koruuningajannik amigartooramik.
Partiit aningaasanut missingersuutaat Inatsisartut Allattoqarfiannut nassiutereeraat tamanna KNR-imi Radioaviisip nalunaarutigaa.
Partii Inuit 2013-imut aningaasanut missingersuutaanni takuneqarsinnaavoq partii 250.000 koruuninik amigartoorsimasoq. Atassut 200.000 koruuninik amigartoortoq, kiisalu Demokraatit 48.000 koruuninik amigartoortoq.
Siumut partiini kisiartaalluni sinneqartoorpoq, KNR-ip paasissutissaatai malillugit partii 1 million koruuninik sinneqartoormat.