Paamiuni palasi ivertinneqarpoq
Naalagiartoqarnerani nunatsinni palasit ukiukinnersaat Paamiuni palasitut ivertinneqarpoq
29-nik ukiulik Minik Schmidt Nuummi siorna palasinngortinneqartoq, Paamiunilu siulilik Paamiut palaseqarfiani palasitut kujataata provstianit Dorthe Petersenimit sapaammi aggustip 25-ni ivertinneqarpoq. Paamiuni oqaluffik ivertitsisoqarnerani naalagiartoqarluarpoq.
Atuaruk “Nunatsinni palasini nukarlersaat”
Biskobip Sofie Petersenip inuulluaqqussutaa atorfininneranilu oqaaseriumasai Kujataata provstianit Dorthe Petersenimit apuunneqarput, Minik Schmidt aggustip aallaqqaataani atorfinitsinneqarpoq ilaquttanilu palasit illorsuanut kusanaqisumut iluarsarneqareerpat nuukkumaarput. Paamiut palaseqaaqilerpoq, soraarninngortormi palasi Gedion Rosing siornali suliunnaarmat, Kujataatalumi provstiata soraarninngortoq qujassuteqarfigalugu oqaaseqarfigaa. Ivertitsinerup kingorna nerliiviliartoqarpoq Paamiunilu erinarsoqatigiit Nagdla 85 tussiarlutik.
Taamaasilluni Paamiunni ilinniarsimasunik palaseqarlunilu ajoqeqalerpoq.