Nunatsinni palasini inuusunnerpaaq
28-nik ukiulik Minik Schmidt aasap tungaanut Maniitsumi taartaassaaq
Minik Schmidt Hans Egedep oqaluffiani (Foto: ). Minik Schmidt aamma biskop Sofie Petersen Hans Egedep oqaluffuanut isilersut. (foto: Leiff Josefsen). Biskoppip Sofie Petersenip Minik Schmidt ivertikkaa. (Foto: Leiff Josefsen). Ivertinneqarnera pivoq Palmit sapaataanni Hans Egedep oqaluffiani. (Foto: Leiff Josefsen). Minik Schmidt provstip soraarnerup Magnus Larsenip, palasip soraarnerup Bolette Larsenip, biskoppip Sofie Petersenip, palasip Aviaja R. Pedersenip kiisalu lektorip, dr.theol. Aage Rydstrøm-Poulsenip saanni. (Foto: Leiff Josefsen). Minik Schmidt palasinit, provstinit bikoppimillu pilluaqquneqartoq . (Foto: Leiff Josefsen). Biskoppip Sofie Petersenip illoqarfimmilu palasit Minik Schmidt pilluaqqugaat. (Foto: Leiff Josefsen). Minik Schmidt ullormut oqaatsinik oqaluussivoq Betaniami isikkanik taniinermut tunngasumik.(Foto: Leiff Josefsen). Naalagiarnerup kingorna Hans Egedep oqaluffiani nerliiviliartoqarpoq. (Foto: Leiff Josefsen). Leiff JosefsenMinik Schmidt ivertinneqareerluni naerliiviliartitsisoq. (Foto: Leiff Josefsen). Palasi nutaaq Minik Schmidt nerliiviliartitsisoq. (Foto: Leiff Josefsen). Ivertitsinermi saamimmiit lektor, dr.theol. Aage Rydstrøm-Poulsen, palasi soraarneq Bolette Larsen, biskoppi Sofie Petersen, palasitaaq Minik Schmidt, domprovst Isak Davidsen kiisalu provsti soraarneq Magnus Larsen. (Foto: Leiff Josefsen). Biskop Sofie Petersen palasitaarlu Minik Schmidt. (Foto: Leiff Josefsen). Palasinngortoq Minik Schmidt ilagquttanilu. (Foto: Leiff Josefsen). Minik Schmidt arnaatinilu Ivalu Nathansen. (Foto: Leiff Josefsen). Biskop Sofie Petersen palasinngortorlu Minik Schmidt naalagiarnerup kingorna ilagiinnik ilassisut. (Foto: Leiff Josefsen).
Leiff Josefsen
Palmit sapaataanni nunatta bikoppiata Sofie Petersenip Nuummi Hans Egedep oqaluffiani 28-nik ukiulik Minik Schmidt palasitut Maniitsumi taartaasussatut ivertippaa.
Ivertinneqarnermi kingorna Minik Schmidt ullormut oqaatsinik oqaluussivoq, tassalu Markusip iivangiliua, kapitali 14, versit 3-9, Betaniami isikkanik taniinermut tunngasoq.
Ivertinneqarnerani aamma peqataapput provsti soraarneq Magnus Larsen, palasi soraarneq Bolette Larsen, domprovst Isak Davidsen, palasi Aviaja R. Pedersen aamma lektor, dr.theol. Aage Rydstrøm-Poulsen.
Minik Schmidt Nuummi Ilisimatusarfimmi palasinngorniarnermini siorna bachelorinngorpoq, kingorna ilagiit palasitut ilinniarnerat naammassillugu Danmarkimi pastoralseminariami.
Minik Schmidt Paamiuneersoq aasap tungaanut Maniitsumi taartaassaaq, atorfiup inuttalernissaata tungaannut. Taassuma kingorna siunertaraa nunatsinni sumiiffimmi allani palasitut atorfininnissaq.
MInikSchmidt 28-nik ukioqarnermini nunatsinni ilagiinni palasini inuusunnersaavoq.
