GM i futsal
Oldboysit futsalimi GM-erneranni uku ajugaapput
Nunatsinni futsalerluni oldboysit pissartanngorniunnerat sapaatip-akunnerata naanerani Nuummi ingerlanneqarpoq
Futsalerluni olboysit GM-ermata, Nuummi timersortarfimmi Inussivimmi sapaatip-akunnerata naanerani illup iluani arsaattoqarpoq.
Unammiuaartitsineq marlunnut avinneqarpoq, 35-t sinnerlugit ukiullit aamma 45-t sinnerlugit ukiullit.
Katillugu iligiit 21 unammiuaarnermi peqataapput, 13't 'nukarliunerusuni', arfineq-pingasullu 'angajulliunerusuni' unammillutik.
Asserpassuit: IT-79 futsalimi pissartanngorpoq
Pissartanngorput
35-t sinnerlugit ukiullit unammiuaarneranni straffeqattaarnerup kingorna, timersoqatigiiffik Nagdlunguak' Ilulissaneersut B-67-imut Nuummeersunut ajugaagamik Nunatsinni pissartanngorput.
Karl Rosbach Nagdlunguak' ukioq manna arsallammattut toqqarneqarpoq, N-85 Narsaq 'Fair Playimik' akissarsitinneqarpoq.
Atuaruk: NÛK arnat futsalerneranni pissartanngorput
'Angajulliunerusut' unammiuaarneranni B-67 Nunatsinni pissartanngorput, NÛK sølvinnallutik ajugaasut aappaattut inissipput.
Allan Eriksen NÛK-meersoq unammiuaarnermi isertitaqarnerpaavoq, Oluf OIrik Disko-76, Qeqertarsuaq, unammiuaarnermi arsarluarnerpaanngorpoq. Fair Playimik akissarsiassaq Ilulissaneersut I-69-ip pissarsiaraat.
Allaaserisap talerpiata tungaani inernerit takukkit
Sermitsiaq.AG-p oldboysit futsalimi GM-ernerannit assit ullumi ataasinngornermi saqqummiutissavai