futsal
NÛK arnat futsalerneranni pissartanngorput
Sapaatip-akunnerata naanerani nunatsinni arnat futsalimi pissartanngorniunnerat Maniitsumi ingerlanneqarpoq
NÛK arnani futsalertoqarnerani Maniitsumi ingerlanneqartumi pissartanngorput.
Taakku pissartanngorniutivinnermi I-69-imut Ilulissaneersunut 2-0-imik ajugaapput, taamaalillutik Nunatsinni pissartatut imminnut taasinnaanngorput. Karo Dahl finalimi marloriarluni isertitsisuuvoq.
Atuaruk: Arnat futsalimi GM-erneranni holdit qulit pissartanngorniutissapput
K-33 Qaqortumeersut pissartanngorniunnermi UB-68-imut Uummannameersunut 5-1-imik ajugaagamik bronzinnapput.
Ukioq manna arsarlurnerpaat
Kaaka N. Quist Uummannameersoq pissartanngorniunnermi målernerpaavoq. Taanna 23-ersuarnik isertitsivoq.
Unammisaqattaarnerup kingorna aamma arsarluarnerpaanik toqqaasoqarpoq.
- Måliniittoq: Marie-Louise Berthelsen, I-69
- Laila Brandt, I-69
- Eili Pedersen, NÛK
- Olga Mikaelsen, K-33
- Karo Dahl, NÛK
Nersornaasiinerit allat:
- Årets fighter: Apolonie Kreutzmann, B-67
- Årets tekniker: Niviaaluk Villadsen, NÛK
- Fairplay: Kaaka N. Quist, UB-68
- Årets Fairplay klub: A-1947, Atammik.
Inernerit aamma målertut allattorsimaffiat talerpiata tungaani kakkiussami takuuk