ærkæologi
Nuummi iliveq serlersaavigineqartoq
Iliveq qanganisaq serlersaaffigineqareersorlu, Nunatta Katersugaasivia maanna tamanut noqqaassuteqarpoq, Noorlerni illuata eqqaaniittoq oqaluttuarisaanermut attuumassuteqartoq sianigeqqullugu
Nuummi Noorliit eqqaanni iliveq inunnit suli kinaassusersineqanngitsunit assanneqarsimavoq, tamannalu Nunatta Katersugaasiviata ernumassutigaa, inuit tusintit tikillugit tassani iliveqarmata.
Nuuk TV taama oqaluttuarpoq.
Nuuk TV-imi ilanngutassiaq takuuk: Iliveq serlersaaffigineqartoq
- Ullut ilaanni maani pisuttuarlunga, nunaminermik assaasoqarsimasoq naammattoorpara, tassanilu saarngit allallu qaqinneqarsimapput, Nunatta Katersugaasiviani pisortap tullia, Bo Albrechtsen oqarpoq.
Sianigisigit
Taassuma oqaluttuaraa, innuttaasunik ernumassuteqartunit tamanna pillugu saaffiginnittoqakkajuttartoq.
Tamatuma katersugaasivik sumiiffik eqqissisimatitaq sianigeqqullugu tamanut noqqaassuteqartippaa.
- Sumiiffimmimi illukoqarpoq (...) taakkuuppullu ikioqatigiilluta sianigisassagut. Ilerrini imaluunniit illukuni attuisoqaqqusaanngilaq, taamma Nuuk TV-mut oqarpoq.
Atuaruk: Politiit iliveq misissorpaat