Nunatsinni toqutaasartut ikinnerulertut

Kalaallit Nunaanni innuttaasut toqutaasut ikinnerulerput.

Toqutsinerit amerlassusaat inuit 100.000-ugaangata 23-inik amerlanerusut toqunneqartarnerannit inuit 100.000-ugaangata 16-it missaanut appariarsimasut, ilisimatuutut misissuinerup nutaap takutippaa, videnskab.dk taama allappq.

Pinerluuteqartut affaannit amerlanerusut hashimik imigassamilluunniit atornerluisuupput - ilaatigullu taakku marluutillugit. Nakorsaq aamma Retsmedicinsk Institutimi Kæbenhavnip Universitetiani ph.d.-imik ilinniartoq Martin Rune Christensen, misissuisut ilaat oqaluttuarpoq.

Atuaruk: Kalaallit Nunaanni kalaallit qallunaanit imigassartornikinnerupput

Imigassamut ataqatigiittoq
Kalaallit Nunaannili aalakoornartumik imigassartorneq ataatsimut isigalugu appariarnikuuvoq, ilisimatusartorlu naapertorlugu toqutaasut ikileriarnerannut pissutaasut ilagisinnaavaat.

- Misissuinernit allanit takusinnaavarput, imigassartorneq toqutsinerit amerlassusaannut sunniuteqartartoq. Kalaallit Nunaannilu imigassartunnginnerulerneq aamma toqutsinerit ikinnerulernerat ataqatigiissinnaapput, Martin Rune Christensen Ritzauimut oqarpoq.

Toqutsinerit oqqannermut imaluunniit akerleriissuteqarnermut atatillugu pinerusarput. Amerlasuutigulli pinerluuteqartut sooq toqutsinerlutik eqqaamaneq ajorpaat. Taamaattumillu toqutsinerit sumik peqquteqarneranik ilisimaneqanngitsut amerlanerpaat tulleraat.

Atuaruk: Misissuineq nutaaq: Kalaallit imigassaq saperaat asuli oqariartaasiinnaavoq

Arnat amerlasuut
Kisianni toqutsinerit ikiliartoraluartut, suli Kalaallit Nunaanni toqutsinerit Danmarkimit amerlanerujussuupput, tassani sanilliullugu inuit 100.000-ugaangata ataaseq toqutaasarpoq.

Nunani toqutsiffiunerpaasartuni toqutaasut angutit amerlanerpaasarput, kisianni Kalaallit Nunaanni toqutaasut affaat 129-usunit 58-it arnaapput.

- Nunani annertuumik toqutsiffiusartuni aaqqissuussamik pinerluuteqarnermut imaluunniit ataatsimoorlutik pinerluuteqartartunut attuumassuteqarnerusarput, taakkulu angutaanerusarput. Kisianni Kalaallit Nunaanni toqutsinerit amerlassusaannut aaqqissuussaasumik pinerluuteqartarneq ilaanngilaq, Martin Rune Christensen oqarpoq.

Ilisimatusartut toqutsinerit amerlassusaat 1985-imit 2010-imut misissorsimavaat.

/ritzau/