Nerisassat
Nunatsinni raajat ooqanngitsut tuniniagaalerput
Royal Greenlnandi Nunatsinni raajanik ooqanngitsunik nioqquteqartalerniarpoq. Raajat siornatigut avammut kisimi tunisaasimagaluartut
Nutaamik pilersitsisoqarneratigut Nuummi pisisartut raajanik ooqanngitsunik pisiniarfinni pisisinnaanngorput.
Nioqqutissiat Royal Greenlandip kilisaataataanni avataani kiilut marlukkaarlugit poortorneqartut japan-raajanik taaneqartartut misiliummik pisiniarfinni misilerarniarpaat.
Tunisaalluassappata sineriammi aamma tuniniagaalissapput.
Karsit japanimiusoortut
- Atuisut tunisassiaq apersuutigisarmassuk aalajangersimavugut nunatsinni tuniniarniarlugu. Nunatsinni tunisassisianik tuniniaavimmi ingerlatsisoq Malik Hegelund Olsen oqarpoq.
Atuaruk: EU-mut saarullittassat amerlineqarput raajartassaalu ikilineqarlutik
Tunisasissaq Japanimi tuniniaavinnut tuniniagaavoq, taamaattumik tunisassiaq japanimiutut allanneqarluni poortorneqarnikuuvoq. Kisiannili tunisassiat Nuummi tuniniarneqartussat kalaallisut danskisullu allanneqartumik allagartalersugaapput.
Ooqartinnagu uulluguluunniit
Aamma atuarneqarsinnaavoq, aapatiinnarlugu sojamut misullugu nerineqarsinnaasoq, aammalumi allatut nerisassiarineqarsinnaalluni.
Nioqqutissat avataanut tunisassiat akisunissaat ernumassutigigukku, Royal Greenland ernumananngitsumik akissutissaqarpoq. Taajat uutat akiisa nalingisa assipajaavinik akeqarlutik nioqqutissiat pisiarineqarsinnaassaassapput.
Atuaruk: Biologit raajarniarnermi isumallualersitsipput