assit filmillu takukkit
Nunaqarfik Netfliximi takuneqarsinnaanngussasoq
Filmi nutaaq Kalaallit Nunaata nunaqarfiisa ilaanni Kullorsuarmi immiunneqartoq januarimi takutinneqaqqaassaaq
Kullorsuami 500-ni innuttaqartumi najuqallit ilai tusaamaneqarleratarsinnaapput. Isiginnaagassiarmi nutaaq Netflix-imi januaarip naalernerani takutinneqaqqaartussaq Kullorsuarmi immiussaavoq.
Fraskit isiginnaagassiaat "Kalaallit Nunaannut angalaneq"-mik atserneqarsimasoq Upernaviup nunaqarfippassuisa ilaanni Kullorsuarmi immiunneqartoq nunarsuaq tamakkerlugu isiginnaarutaasumi saqqummertussanngorpoq.
Nunaqarfiummiut arlallit immiussinermi statistiupput.
Piniartut "Inupiluk"-meersut peqataaqqipput
Filimiliami fraskit marluk pingaarnertut inuttarineqarput, taakku filmimi "Inupiluk"-mi aamma inuttaanikuusimallutik. Piniartut Kullorsuarmiut Ole Eliassen Adam Eskildsenilu tassani aamma inuttaaqataasimasut Parisimilu filmiliortoqarmat peqataasut maanna saqqummertussami aamma inuttaaqataapput.
Tassa filmi "Kalaallit Nunaannut angalaneq" "Inupiluk" 2013-mi immiunneqartup nanginneraa.
- Parisimit qimaallutik Kalaallit Nunaanni nunaqarfiit avinngarusimanerpaat ilaannut pipput. Tassanilu piniartut inooriaasiannut ilanngullutik ilimaginngisaminnik ikinngutitaarlutik, filmip eqqartorneqarnerani ilaatigut taama oqaluttuarineqarpoq.
Filmiliaq Netfliximi siullermeerluni januaarip 29-ani takutinneqassaaq.
Filmimut ussassaarut uani takujuk: Kalaallit Nunaannut angalaneq
Assit ataani takukkit: