Nuuk
Nummerpladit unnuami piiarneqartut
Nuummi Politiit sapaatip akunnerani qaangiuttumi biilit nummerpladii, biiliutilinnit Akileraartarnermut Aqutsisoqarfimmut akileraarutinik akiitsulinnit, unnuami piiarsimavaat
Nunatsinni illoqarfiit pingaarnersaanni politiit sapaatip akunnerani qaangiuttumi unnuaanerani nummerpladinik biilinit, piginnittui Akileraartarnermut Aqutsisoqarfimmut akitsuutinik suli akiliisimanngitsunit, piiasimapput.
- Aqqusinermi angallannermi malittarisassanik unioqqutitsineq
- Politiit Akileraartarnermut Aqutsisoqarfik sinnerlugu biilit angalasinnaanerannut akuersissummik unnuaanerani arsaarinniffigisimavaat, taamaalilluni biiliutillit motorimut akitsuummut imaluunniit tapiissuteqarluni akitsuummut suli akiliisimanngitsut biilii nummerpladiiarneqarsimallutik.
Taama Nuummi Politiit sapaatip akunnera 3-mut nalunaarumminni itisiliillutik allapput.
Atuaruk: Akiitsullit qulit isertitsivimmi unnuisinneqartut
Kisianni politiinit aamma ilisimatitsissutigineqarpoq biilinik piginnittut akitsuutinut akileereersimappata, taava akiliutip uppernarsaataata politiinut takutinneratigut nummerpladit utertinneqarsinnaasut.
- Politiiniilli erseqqissaatigissavarput nummerpladiiaaneq taamaallaat Akileraartarnermut Aqutsisoqarfimmit piumaffigineqarnikkut ingerlattaratsigu. Taamaattumik naammagittaalliutit akiitsoqarnermut tamarmik tunngasut Akileraartarnermut Aqutsiveqarfimmut saaffiginnissutigineqassapput, politiit taama allapput.
Atuaruk: Nuummi politiit nalunaarutaat