NÛK strafferluni isertitsiniaqattaarnermi pissartanngortoq

Arnat isikkamik arsaalluni nunatsinni pissartanngorniunneranni I-69-ip Ilulissaneersup aamma NÛK-p Nuummeersup, arnat isikkamik arsaanneranni ukiuni arlaqalersuni malunnaateqarluarsimasut, akornanni ajugaaniutivinneq pissanganarnerusinnaanngilaq.

Ajugaaniutivinneq pissanganarluinnartoq unammineq nalinginnaasoq naammat 1-1-imik naligiiffiuvoq.

I-69 immikkoortumi siullermi siuaraluarpoq, NÛK-li immikkoortut aappaanni naligiilissutaasumik isertitsilluni. Unammineq sivitsorneqartoq isertitsiviunngitsumik inerneqarmat ajugaaniutivinneq strafferluni isertitsiniaqattaarnikkut aalajangiivigineqartariaqalerpoq.

Arnat NÛK-meersut, ukioq manna illoqarfigisaminniittut, 11 meteriniit isertitseriarnermut pikkorinnerulaarput 4-3-millu ajugaallutik.

Arnat måleqattaarnerannit assilisat takukkit

Ukioq manna arsartutsialaat

Kalaallit Nunaanni Arsaattartut Kattuffiat GM ingerlanneqareermat ukioq manna arsartutsialannik aqqanilinnik toqqaavoq:

• Målmandi: Marie-Louise Berthelsen, I-69
• Ajuutsitsinaveersartoq: Lisa M. Petersen, NÛK
• Ajuutsitsinaveersartoq: Laila Brandt, I-69
• Ajuutsitsinaveersartoq: Saalat Malakiassen, UB-68
• Ajuutsitsinaveersartoq: Anna-Karina Inusugtoq, I-69
• Qeqqaniittoq: Aili Pedersen, NÛK
• Qeqqaniittoq: Karo Dahl, NÛK
• Qeqqaniittoq: Karen-Louise Vetterlein, I-69
• Siukkaq: Karoline Malakiassen, I-69
• Siukkaq: Arnaq B. Egede, NÛK

Ataasiakkaanik toqqaanerit:

• Kammagiinneq: Manuella Hansen, KB-84
• Fair play: Kaaka Qvist, UB-68
• Ukioq manna sukataallammak: Karo Dahl, NÛK
• Ukioq manna teknikeritsialak: Aili Pedersen, NÛK
• Ukioq manna arsallammak: Karoline Malakiassen, I-69

Angutit isikkamik arsaalluni nunatsinni pissartanngorniunnerat Qasigiannguani ataasinngornermi aggustip 3-ani aallartissaaq.