Arnat GM-ernerat
Arnat måleqattaarnerannit assit takukkit
Arnat Nuummi arsaallutik pissartanngorniunnerat marlunngormat ingerlaqqimmat ajugaarujussuartoqarpoq, naligiittorujussuarmillu unammisoqarluni. Angusat assillu takukkit
Arnat arsaallutik nunatsinni pissartanngorniunneranni marlunngormat ualikkut I-69-ip Ilulissaneersup KB-84-illu Kangaatsiameersup unamminerat pissanganartoqanngilaq. I-69 sapersaatiginagu 9-0-mik ajugaavoq.
B-67-ip Nuummeersup UB-68-illu unamminerat pissanganarneruvoq, tassani ataasiinnarmik isertitsisoqarmat. UB-68-p unamminerup ilarujussuani B-67 ajornartorsiortippaa. Tassanngaannarli B-67 periarfissaqaleriataarmat Rasmine Berthelsen arsaq nunakkoortillugu isertitsivoq, taamaasillunilu ajugaatitsisuulluni.
Unamminerup ilarujussuani UB-68-ip B-67 saassuteqattaartarpaa, arlaleriarlunilu isertitsingajavittarluni, isertitseriarnerminnili uniullattaartuarput.
Ilimagisat finalimut anngupput
I-69 aamma NÛK finalimut annguttussatut ilimagineqarnersaapput, bronze-nanniuttutussatullu ilimagineqarput B-67, B-84 aamma UB-68. NÛK-li finalimut anngutissaguni pingasunngornermi ualikkut unamminermi B-67 ajugaaffigisariaqarpaa.
Unamminernut pilersaarutit aamma allanngortinneqarput, tassa KB-84-imeersut tallimanngorpat angerlamut aallassammata, UB-68-ermiullu arfininngorpat aallassallutik. Taamaattumik bronze-anniunnissaq tallimanngornermut siuartinneqarpoq, arfininngornermilu finalerneq kisimi ingerlanneqassaaq, tamannalu pissaaq nalunaaqutaq 15.00.
Pingasunngornermi unamminissat:
Nal. 16.15 UB-68 - KB-84
Nal. 18.30 B-67 - NÛK
Arnat Nuummi arsaallutik nunatsinni pissartanngorniunneranni marlunngormat unamminernit assit ataani takukkit