Filmiliornermi ilitsersuisoq nikanarsaasutut unnerluutigineqartoq
Kalaallit Nunaanni imigassamik atornerluineq sumiginnaanerlu pillugit isornartoqartillugit oqaaseqatit filmiliortartumut eqqartuussisunut tunniunneqarnermik kinguneqarput.
Angutip Qaanaarmiup engutallip filmiliortartoq nikanarsaasimasutut politiinut unnerluutigaa, unnerluussissullu politiit maanna suliarilerpaat.
Filmiliortartoq 43-riarluni Kalaallit Nunaanniittarsimavoq annermillu kalaalit nunaata avannaani illoqarfimmi Qaanaami ilisimaneqarluarluni. Tassani upernaaq Red Barnet-ip ornittagaanut atatillugu meeqqanut inuusuttunullu suliniarnermut tunngasumik suliaqarsimavoq.
Angerlaramilu pissutsit meeqqat amerlaqisut inuunerminni atugaat aalassannartut oqaluttuarai, ilaatigut naalungiarsuk Meningitis-imik nappaateqarluni napparsimmavimmut unitsinneqartoq.
Meeraq aataminit nakorsiaanneqarsimavoq, meeqqap angajoqqaavi putumasimanermik makitasinnaasimagunanngimmata. Qaanaaq inukitsuummat aataajusoq isumaqarpoq nammineq ilaquttani allaaserisami ilisarineqarsinnaalluartut, taamalu taakku ataqqinassusiiagaasut.