Wednesday, December 14, 2016 - 17:00

Vittu nersualaassava isornartorsiorneqassavaluunniit?

Assi.: Leiff Joefsen
Vittus Qujaukitsup nipituuliornera ajunngila? Naalagaaffiulluunniit siunnersuisui tusarnaaginnarsimassagaluarpai?

Kalaallit Nunaata Danmarkillu suleqatigiinnerannut Vittus Qujaukitsup (S) isumaa paatsuugassaajunnaarpoq. Ingammik Pituffik Camp Canturylu pillugit. Politikenimi apersoneqarami erseqqarilluinnartunik isummersuuteqarpoq.

- Ukiuni 75-ni USA-p nunatsinni sakkutooqarfeqarnissaa akuersaaginnarneqarpoq. USA-lli tungaanit perulluliorneq kisiat pissarsiaraarput. Pinngortitamut mingutsitsineq Kalaallit Nunaata Danmarkillu akornanni tatigeqatigiinnermut innarliinermik kinguneqartoq, ilaatigut oqaatigaa.

Suliaq pillugu allaaserisat tamaasa uani takusinnaavatit

D isornartorsiuivoq
Taamatut oqariartuuteqarneq silatusaarnerunngitsoq, Demokraatit siulittaasuat Randi Vestergaard Evaldsen (S) isumaqarpoq.

Atuaruk: Vittup Danmark USA-lu sioorasaarpai

- Ajuusaarnaraluartumik Amerikkarmiunik Danskinillu suleqateqarneq appasilluinnartumik eqqartorneqaleruttorpoq. Akisussaassuseqanngitsutullu Vittus Qujaukitsoq Danskit tusagassiiviini saqqumilaarpoq, piviusumik ajornartorsiutaasut avaqqutiinnarlugit ersarissagaalluinnartullu tunuinnarlugit, eqqartuinermi uani tunngaviliisussaagaluit tusaanngitsoortillugit, Facebookimi allappoq.

Lars-Emil qiimmatsappoq
Siumumi politikkeritoqqamit tapersersuineq toqqorterneqanngilaq.

- Vittu nersorpakkit taperserlutillu, Facebookimi allappoq.

Illit qanoq isumaqarpit? Taasigit.

Malugiuk, teknikkikkut ajornartoorneq pissutigalugu apeqqutip akisutillu kalaallisoortaat taasititsinermut ingerlareersumut ilanngussinnaanngilagut. Sermitsiaq.AG-p tamanna ajuusaarutigaa. Apeqqut akissutillu ima tulleriaarneqarput:

  • Apeqqut: Vittus Qujaukitsup oqariartuutai qanoq isumaqarfigaagit?
  • Akissut: Torrallaavoq! Kiisami oqaaseqartoqarpoq.

  • Akissut: Ajunngilaq. Isummersinnaasariaqarpoq.

  • Akissut: Silatusaarnerunngilaq. Naalakkersuisut assuarlertariaqarpaat.

  •  Nunatta nunanut allanut sinniisorissanngilaa. Naalakkersuisuujunnaartariaqarpoq.

  •  Naluara.

Seneste nyheder / Nutaarsiassat kingulliit