Aviisi: Suliniutinut angisuunut inatsisissaq akuersissutigineqalerpoq
Suliniutinut angisuunut inatsisissap akuersissutigineqarnissaa ilimanaateqarluinnarpoq
Suliniutinut angisuuunut inatsisissap suliniutini angisuuni soorlu aatsitassarsiorfiliornerni aluminiumillu aatsitsiviliornermi nunanit allaneersunik akissarsiakitsunik sulisoqarnissamut periarfissiisussap Inatsisartuni aappassaaneerneqarnissaa sioqqullugu naalakkersuisut siulittaasuat Kuupik Kleist, Inuit Ataqatigiit, isumalluarpoq.
Siunnersuut novembarip 26-ani aappassaanerneqassaaq.
- Suliniutinut angisuunut inatsisissap akuersissutigineqarnissaa ilimagaara isumaqatigiinniartussaassagatta. Suliniutinut angisuunut inatsisissap amerlanerussuteqarluartunit taperserneqarnissaa soqutigisaraarput. Tigussaasumimmi aallartikkutta tamanna ukiorpassuarni ingerlasussaassaaq. Tamannalu nunatsinni inuiaqatigiinnut tamanut sunniuteqassaaq, Kuupik Kleist Berlingskemi 21. novembarimi saqqummersumi oqarpoq.
Siumup siulittaasua Aleqa Hammond aappassaaneerinissaq sioqqullugu inatsisissamut naaggaarnissamik partiini sinnerlugu sioorasaaruteqarpoq. Siumulli naaggaaraluarpalluunniit suliniutinut angisuunut inatsisissaq uppisinneqarsinnaanavianngilaq, naalakkersuisooqatigiit Atassut peqatigalugu Inatsisartuni 19-inik taasisussaqarmata Siumut aqqaneq-marlunnik taasisussaqartoq.
Læs "SIK støttes af ni millioner"
Læs "Fagforeninger raser over storskalalov"
Læs "Transparency Greenland: Storskalalov skader omdømme"
Læs "Socialdemokraterne advarer mod social dumpning"
Sakkortuumik isornartorsiorneqartoq
Sulisartut kattuffii pingasut Imak, SIK aamma AK kiisalu Transparency Greenland aamma Sulisitsisut Peqatigiiffiat, GA, suliniutinut angisuunut inatsisissamut sakkortuumik isornartorsiuipput.
Suliniutinut angisuunut inatsisissatut siunnersuut marlunngornermi novembarip 27-ani pingajussaaneerneqassaaq.
Suliniutinut angisuunut inatsisissaq tapersersorpiuk imaluunniit akerleraajuk? Imaluunniit soqutiginngiliuk?