Tv-mik neqerooruteqartoq nutaaq aallartinniapiloortoq
- Aallartisarnitsinni ajornartorsiutivut qaangerpavut, Greenland Televisionip pisortaa Jonas Tetzschner oqarpoq
Annonse
Nuummi innuttaasut maajip aallaqqaataaniit tv-kanalinik nutaanik isiginnaarsinnaalernissaannik Greenland Television, GTV, ukioq manna siusinnerusukkut isumalluaqaluni nalunaarpoq. Pilersaarutilli ajalusoorput.
Maannali GTV Nuummi pimoorullugu aallartittutut isikkoqalerpoq. Taamami GTV-ip pisortaa Jonas Tetzschner nalunaarpoq.
- Aallartisarnermi ajornartorsiutivut qaangersimalerpavut, maannalu kanalerpassuarnut attaveqaammik patajaatsumik neqeroorsinnaalerpugut, oqaluttuarpoq.
Læs også "Nyt tv-selskab kan ikke sende"
Læs også "Nye tv-kanaler lige på trapperne"
Suliffeqarfik Nuummi apriilimi misiliutigalugu aallakaatitsilerpoq. GTV-ip ilaatigut Champions Leaguemi arsaannermik Formel 1-imillu aallakaatitsisartut isumaqatigiissusiorfigisimavai.