Ilaasoqarnissamut akuersissutaateqannginneq ajornartorsiutaanngitsoq
Angallatimi ilaasoqarnissamut akuerineqarsimanngitsuni sunngiffimmi angallatinik piginnittut inuinnaat ilaasunik akiliuteqarsimasunik angallassisarnerannik Ilulissani politiit ilisimasaqanngillat
- Taamaattoqartarsimanissaa ilisimasaqarfiginngilara, kisianni taamaattoqartarnera soorunami mattutiinnarsinnaanngilara.
Angallat ilaasoqarnissamut akuerisaasimatinnagu inuinnaat angallatinik piginnittut ilaasunik akiliuteqarsimasunik angallassisinnaatitaannginnerat Visit Greenlandimit erseqqissaatigineqareersorlu Ilulissani politiini ulluinnarni aqutsisoq, Karl Vinther, taama oqarpoq.
Læs også "Turistråd: Husk P-godkendelse"
Læs også "500.000 har set video af vild Eqi-bølge"
- Maani Ilulissani takornariartitsisartorpassuaqarpoq taamaattumillu ilaasoqarnissamut akuerisaasunut ilaaffissaqarluarpoq. Unioqqutitsilluni akuersissutaateqanngitsut angallassisarsimagaluarpata akuersissutaatillit naammaginninnginnerat tutsiutilertussagaluarpoq. Tamannalu nukissanik atuiffigissagaluarparput, Karl Vinther Sermitsiaq.AG-mut oqarpoq.
Læs også "Passager: Det var for sindssygt"
Sapaatip-akunnerani kingullermi Eqip Sermiata tassanngaannaq igarneratigut angallatip sermip iigartartup saavaniittup inuttaasa tupinnartuliornikkullusooq annannerannik videoliani marlunni takutinneqareersorlu imaani isumannaallisaaneq akuersissutaateqarnerlu sammineqalerput taamalu Visit Greenland aamma oqaaseqaateqarluni.
Australiamiu takornariaq Ilulissat avannaannut Eqip Sermianut akiliilluni angallanneqarsimanersoq nalunarpoq.