Akunnaaq
Niviarsiaraq aallartoorfigitittoq toquvoq
Akunnaamik aallaammik aallartoorneq Qaasuitsumi politiit suli misissorpaat
Niviarsiaq qulinik ukiulik niviarsiaq marluliaqatini peqatigalugu qilaliarfimmi Aasiaat eqqaanni Akunnaami aallartoorfigitittoq marlunngornermi Rigshospitalimi toqukkut qimaguppoq. Qaasuitsumi politiini pisortaagallartoq Gedion Quist Sermitsiaq.AG-mut taama ilisimatitsivoq.
Atuaruk: Niviarsiaqqat marluk aallartoorfigitittut - rigshospitalimut aallarunneqarput
Aallaammik aallartoorneq pivoq ataataasup qitornani aallaasersornermik ilitsersuinerani. Ataataasoq AG-mut oqaluttuarpoq aallartoorneq ajutoornikkut pimmat niviarsiaqqat qulinik ukiullit marlulissat eqqorneqarsimasut.
Niviarsiaraq angajulleq Rigshospitalimi sinitsinneqarpoq marlunngornermilu toqukkut qimagulluni.
Niviarsiaqqat siullermik Nuummi Dronning Ingridep napparsimmavissualiaanneqarput ingerlaannarlu Rigshospitaliliaanneqarlutik.
Niviarsiaraq nukarleq itereerpoq.
Aallartoorneq niviarsiaqqap qulinik ukiullik ajunaarneranik kinguneqartoq pillugu Aasianni politiit paasiniaanerat suli ingerlavoq.
Niviarsiaqqat ataataata apersorneqarnera AG-mi saqqummersumi nutaami atuarsinnaavat taannalu linki ataaniittoq toorlugu pisiarisinnaavat.