ajutoorneq
Niviarsiaqqat marluk aallartoorfigitittut - rigshospitalimut aallarunneqarput
Qilaliarfimmi Akunnaami niviarsiaqqat marluk aallartoorfigitipput, marluullutik niaqqumikkut eqqorneqarlutik
(Allaaserisaq aaqqinneqarpoq - niviarsiaqqat angallammik Nuulianneqanngillat)
Aasiaat eqqaanni Akunnaani niviarsiaqqat marluk 10-nik ukiullit Qilaliarfimmi aallaammik aallartoorfigitipput. Siullermik angallammik attartukkamik Aasiannukaanneqarput, angallammullu ilaapput nakorsat peqqissaasorlu politeerlu. Aasiannit timmisartumik Nuummukaanneqarput.
Nuummi Dronning Ingridip Napparsimmavissuani nakorsat naliliipput niviarsiaqqat ima perulutsigisut Rigshospitalimut aallarunneqartariaqarlutik.
– Pisimasoq suli misissorparput, isumaqarpugulli niviarsiaqqat aallartoorfigitissimasut. Niviarsiaqqat aallaammik aallartoorfigitikkamik tatsip eqqaaniissimapput. Naliliivugut ajutoornerusoq, maannakkorpiarlu annertunerusumik oqaaseqarsinnaanngilanga. Kingulleq tusagara tassaavoq niviarsiaqqat peruluttorujussuusut, Aasiaat Politiianneersoq Arne Reimer Sermitsiaq.AG-mut oqarpoq.
Pisimasoq suli misissorneqarmat Arne Reimerip pisimasoq kinalu aallartoorfiginnissimanersoq annertunerusumik oqaaseqarfigisinnaanngilai.