Danmarkip tiguangaanera
Nikku: Danmark pillugu erfalasoq qiteqquteqinagu
Sorsunnersuup aappaani Danmarkip tiguangaanera pingasunngornermi malinnartinneqarpoq – taamaasiornermut Partii Inuit akerliupput
Partii Inuit siulittaasuat Nikku Olsen isumaqarpoq pissusissamisoortuunngitsoq Danmarkip tyskinit tiguangaanera malunnartinniarlugu apriilip qulingiluaat erfalasumik qiteqqussisarneq. Taanna isumaqarpoq Danmarkip tiguangaanerata nalaani Kalaallit Nunaat namminersuittuusimagaluartoq.
Nunatsinni pisortat suliffeqarfii arlallit pingasunngornermi erfalasumik qiteqqussipput Danmarkip tiguangaanera malunnartinniarlugu. Kalaallilli erfalasuat qiteqqusimanani apissisimasariaqartoq Partii Inuit isumaqarput.
- Danskit soqutigisaannut maniguuttunngorsangaaneq sutigut tamatigut anngaajuartillugu nammineq naalagaaffinngornissarput ungasillingaluttuinnassaaq, tamatumunngalu Partii Inuit ersarissumik akerliuvugut nalunaarutingerusullugulu ilumoorluta pingaartikkatsigu nammineernissamut pisussaaffeqarnitsinnut sorsuutiginnillutalu qamuuna ilukkut namminiunerput tamakkiisumik ersarissarniartuassagatsigu, tassa siunissarput tamaappoq, Nikku Olsen tusagassiutinut nalunaarummini allappoq ilanngullugulu erseqqissarpaa nalunaarunni ammip qalipaataa tunngavigalugu immikkoortitsiniarnermut tunngassuteqanngitsoq.
Taamnmna isumaqarpoq Danmarkip 1940-miit 1945-mut tiguangaasimanerani attaviit kipitinneqarsimaneranni Nunarput namminersulivissimagaluartoq.
QISUARIAAT ATUARUK: Demokraatit Inuusuttaat: Kalaallimmmi, Nikku?