Demokraatit Inuusuttaat: Kalaallimmmi, Nikku?

Partii Inuit isummersoreernerisa kingorna oqaasiinut akerlileeqqittoqarpoq.

Sorsunnersuup aappaani Danmarkip tiguagaanera pingasunngornermi malinnartinneqartumut Partii Inuit akerliullutik tusagassiutinut nalunaaruteqarput.

Nunatsinni pisortat suliffeqarfii arlallit pingasunngornermi erfalasumik qiteqqussipput Danmarkip tiguagaanera malunnartinniarlugu. Kalaallilli erfalasuat qiteqqusimanani apissisimasariaqartoq Partii Inuit isumaqarput.

Taama oqaaseqarnerat Demokraatit Inuusuttaannit akerlilerneqarpoq.

- Nikku Olsenip Partii Inuillu puigorpaat aamma Kalaallit Nunaat sorsunnersuarmi ilaanikuummat – Demokraatit Inuusuttai taamaattumik isumaqarput kalaaleqatigut danskillu toqutaasut sorsunnersuarmilu kingullermi kiffaanngissusermik sorsuutiginnittut nersortariaqartut, Demokraatit Inuusuttaasa siulittaasuat Randi Vestergaard Evaldsen oqarpoq.

Savalimmiormiut pisortatigoortumik inatsisiginngilaat
Sorsunnersuup aappaani Danmarkip tiguangaanera pingasunngornermi malinnartinneqarpoq, ullormi tassani Danmark tyskinit tiguagaanerat erfalasup qiteqqusitatinneranik malunnartinneqartarluni.

Kalaallit Nunaat Danmarkilu attaveqatigiinnerat Danmarkip tiguagaaqqanerani kipineqarpoq, assinganik Savalimmiuni pisoqarpoq.

Savalimmiormiut 132-it umiartortut sorsunnersuup aappaani annaaneqarput.

- Demokraatit Inuusuttaasa takusinnaarpianngilaat sooq Partii Inuit aamma Nikku Olsen danskit naleqartitaannut naalakataartitaanersugut, tassami Kalaallit Nunaat pisumi akuunikuuvoq – taamanikkut Kalaallit Nunaata Danmarkillu attaveqatigiinnerat kipinikuugaluarpoq – kalaallinillu inuttaqarnikuuvoq Kalaallit Nunaata Danmarkillu tiguagaaneranut Tunumi akiuuteqataasimasunik – uanilu Nikku Olsen aperissavarput – taakku suliaat pillugu nersorniarneqassannginnersut?, Randi Vestergaard Evaldsen Nikku Olsenimut aperaaq.

Oqaluttuarisaanermut ilaasoq
Danmarkip danskillu naleqartitaat sooq isornartorsiorneqassanersut Demokraatit Inuusuttaannit paasiuminaatsinneqarpoq.

- Uagut isumaqarpugut kalaallit danskillu naleqartitaat piujuartariaqartut – ataatsimut oqaluttuassartaqarpugut, piffissanngorpoq Kalaallit Nunaata takussammagu, piffissaq kingumut aallartinneqarsinnaanngimmat oqaluttuarisaanerlu allanngortillugu – Demokraatit Inuusuttaanni nalunngilluinnaqqissaarparput Danmarkip Kalaallit Nunaat ataqqiuaannarsimanngikkaa, puigussanngilaarpulli inuiaqatigiit inuuffigigatsigit kalaallinik danskinillu siuaasaqartut, uagut Kalaallit akuerisariaqakkatsinnik, Randi Vestergaard Evaldsen erseqqissaavoq.

Nunatsinni pisortatigoortumik erfalasoqartitsisarnerit

Danmarkimi pisortatigoortumik erfalasoqartitsisarnerit

Savalimmiuni pisortatigoortumik erfalasoqartitsisarnerit