takornariaqarneq
Naalakkersuisut: Tikeraat ornittagaannik pilersitsissaagut
Inuussutissarsiornermut naalakkersuisoq naapertorlugu Naalakkersuisut tikeraat ornittagaannik takornarianullu atortunik pilersitsinissaminnut ingerlatsinissaminnullu siunissami periarfissaqassapput
- Takorloorparput nunami takornariat ornittagaanni, immikkut alutornaatilinni tamani, tikeraanut ornittakkanik takornarianullu atortunik pilersitsisoqarnissaa.
Inuussutissarsiornermut, sulisartoqarnermut, niuernermut nunanullu allanut tunngasunut naalakkersuisoq Vittus Qujaukitsoq (S) 2016-imi septembarip 22-anni Inatsisartunut saqqummiussinermini oqarpoq.
Atuaruk: Nuuk assitigut ersarinnerulersinniaraat
Ukioq allortarlugu
Taanna nassuiaavoq takornarianut sammisassanik amerlanerusunik neqerooruteqartarnissaq Naalakkersuisut kissaatigigaat, tamannalu aamma nunap 2016-2020-mut takornarianut periusissiaani 'Nunatsinni takornariaqarnerup ineriartortinneqarnera – qanoq ililluni?' takuneqarsinnaavoq.
– Tamakkua ukiut tulliuttut qulit ingerlaneranni pilersinneqassapput – tassa imaappoq ukioq allortarlugu tikeraanut ornittakkamik pilersitsisassaagut, naalakkersuisoq oqarpoq.
Naalakkersuisut maannangaaq oqaatigisinnaanngilaat tikeraanut ornittakkat takornarianullu atortut sumi inissinneqassanersut, tassa kommunit tamarmik isumaqatigiinniuteqarfigineqaqqaassammata.
Atuaruk: Akunnittarfinni unnuisut amerlanerusut
Allaaserisaq tamaat Sermitsiami uani sapaatip akunnerani saqqummertumi atuaruk. Aviisi uani pisiariuk: