Politikki
Naalakkersuisut hashimut misissortinnissaminnut piareersimasut
Naalakkersuisuni ilaasortat hashimik atuisimanerlutik ulluinnarni atuinermut pasineqarunik, misissortinnissamut piareersimaniarput
Nunatsinni politikereq imaluunniit arlallit ulluinnarni hashimik pujortartartut isumaqaruit, maanna hashimik atuisuunersut misissortinnissaannut periarfissaqalerputit.
Tassami Naalakkersuisut quumik misissortinnissaminnut piareersimapput.
Ilinniartitaanermut, kultureqarnermut, ilisimatusarnermut aamma ilageeqarnermut naalakkersuisoq, Nivi Olsen (D), marlunngormat Nuuk TV-mut oqarpoq.
Inatsisartunut ilaasortanut aamma atuuttoq
- Hashimut imaluunniit allanut misissortinnissamut ammavugut, taanna illoqarfiit pingaarnersaanni tv-qarfimmut oqarpoq.
Taassuma nassuiarpaa, Inatsisartunut ilaasortat aamma hashitortartutut pasineqarunik misissorneqarsinnaasut.
Atuaruk: Peqqinneq pillugu nalunaarusiami ilisimasat nutaat pissanganartut
- Arlaat pasinnikkuni, taava innuttaasut qinnuteqarsinnaapput politikerit hashimut misissortinnissaannut kissaateqarlutik, Nivi Olsen oqarpoq.
Taamaattorli maannakkut taamaalisoqassappat, kiap tamanna aalajangiuttassaneraa naluaa.
Atuaruk: Aanngajaarniutinik atuisoqartarnersoq pillugu misissuinerit qanilliartortut