Saturday, November 4, 2017 - 11:35

Mudip isornartorsiorneq oqaaseqarfigaa

Assi.: KNR/Youtube
Mudi Kramer Berthelsenip isiginnaagassiaa’’Mudi’’ atuartartut allagaanni sakkortuumik KNR-imut isornartorsiuinermi assersuutigineqarpoq. Mudip nassuiaataa atuaruk.

KNR TV-ip aallakaatitassiaq ”Mudi” oktobarip 12-ani aallakaatippaa, tassani sammineqarput nunasiaataasimanerup kinguneri taaamatullu nunatta namminiliivinnissaa. Aallakaatissiamilu saqqumiisuuvoq Mudi Kramer Berthelsen .

Tusagassiortup Irene Jeppsonip aallakaatitassiaq tunngavigalugu KNR isornartorsiorpaa, isumaqatissarsiortorpalaarnerarlugu. Isornartorsiuineq Sermitsiaq.AG- mi atuarneqarsinnaavoq.

Atuartartartup allagaa atuaruk: Sunaana anguniagaasoq?

Isiginnaagassiaq uani Youtubemi takuuk

Inunnit ataasiakkaanit isumassarsiorneq
Mudi Kramer Berthelsenip isornartorsiuineq tusagassiutinut nalunaarummini oqaaseqarfigaa, aammalu aallakaatitassiami eqqumaffigineqarnera soqutigineqarneralu qujassutigalugu.

- Inuit namminerisamik inuiaqatigiinni isumaannit atugaanniillu isumassarsiortarpunga taamaattumillu aallakaatitassiat ilaatigut namminerisamik isummersorfiusinnaasarlutik. Mudi Kramer Berthelsen nassuiaavoq.

Suliffeqarfiup iluani isumaqatigiissutit equnganerat
KNR pisortaata Karl-Henrik Simonsenip Sermitsiaq.AG-mi isornartuisoqareersoq allagaqarluni nassuiaavoq.

- Tamanna KNR-imi suleriaatsimut najoqqutassianiluunniit kukkuneq pissutaavoq Karl-Henrik Simonsen nassuiaavoq, taamatullu oqaatigalugu aaqqissuisoqarfimmi maleruagassat iliuusiissallu sukaterneqarsimasut..

Atuaruk: Tusagassiortoq sillimmartaaqqusisoq: Tusagassiorneq ulorianartorsiorpoq

Paasissutissat eqqortut
Mudi Kramer Berthelsen erseqqissarpaa aallakaatitassiami paasissutissat atorneqartartut eqqortuusut. Kalaallit nunanaannilu naatsorsueqqissaartarfimmiit aammalu Danmarkiminaatsorsueqqissaarfimmiit paasissutissat aallakaatitassiami atorneqartussat aaneqartartut.  

- Atima aallakaatitassianni atorneqarnera taavalu tusagassiortutut ilinniagaqannginnera tunngavigalugu TV-cheferisama akisussaaffeqarnera tatigeqqissaarpara, sualummik paasissutissat pissarsiarineqartut eqqortuunersut qulakkeerniarneqarnerinni, kiisalu akerlilerneqarniarsinnaanerinnut isumannaarneqarnissaat, taamatut nalilerneqassagaluarpata, Mudi Kramer Berthelsen allappoq.

Aqutsisoq killuinermi peqataasoq
Aallakaatitassiami ”mudi”-mi saqqummiussisartoq malillugu killuinermi Karl-Henrik Simonsen peqataasarsimavoq.

- KNR-ip pisortaanera Oktoberip 12-ani aallakaatinneqartup killorneqarnerani suliaq isiginnaarmagu KNR-ip nalinginnaasumik pitsaassusissaata qulakkeerneqarnissaanut piumasarisat naammassineqannginnissaat eqqarsaatersuuteqarfigisimanngilara, Mudi Kramer Berthelsen oqaluttuarpoq.

Ingerlaqqinnissamut kajumissaarutinut qujavoq

- Tamanna pisortaanerup Oktoberip 12-ani aallakaatinneqartoq pillugu utoqqatsissuteqarfigereerpaa, uangalu aallakaatitassiama ingerlaannartinneqarnissaanut kaammattuisorpassuarnut qujaniarnera ersarissaassutigerusuppara. Mudi Kramer Berthelsen naggasiivoq.

Læs også

tamanut ammasumik ataatsimiititsineq
Seneste nyheder / Nutaarsiassat kingulliit