meeqqat pornoliarineqartut
Meeqqat pornoliarineqarnerannik unnerluussut annertuumik kinguneqartitsisinnaavoq
Meeqqat pornoliarineqarnerinut suliaq, Kalaallit Nunaanni inummut ataatsimut attuumassuteqartortalik, inuusuttunillu 1000-nut tunngasoq, unnerluutigineqartumut kinguneqarujussuarsinnaavoq.
Kalaallit Nunaanni Politiit unnerluussisussaatitaanerata, Tobias Bergip ilisimatitsissutigaa, ''inuusuttut qanorluunniit pineqaatissinneqaraluarunik, pinerlussimanermut imaluunniit meeqqanut eqqunngitsuliorsimasutut nalunaarsuiffimmiilertussaapput''.
Sumi najugaqarnera oqaatigineqarnianngilaq
Nunatsinneersoq unnerluutigineqartoq sumi najugaqarnersoq taassuma ilisimatitsissutigerusunngilaa.
- Taakku oqaatiginissaat siusippallaarpoq, Tobias Berg, Sermitsiaq.AG-mut nassuiaavoq.
Pinerluttulerinermi inatsit naapertorlugu, suliami pineqartoq pinerluuteqarsimasut inissiisarfiannut inissinneqarsinnaanersoq eqqartuussiviup nalilersinnaavaa. Kisianni inuk pineqartoq 18-it inorlugit ukioqaruni tamanna immikkut ittunik pisoqarneratigut pisinnaavoq.
Unnerluussisussaatitaasup pineqartoq unnerluunneqartoq 18-it sinnerlugit imaluunniit inorlugit ukioqarnersoq maanna ilisimatitsissutigerusunngilaa.
Kalaallimut tassunga unnerluussissut qaqugu saqqummiutissallugu eqqarsaatigineqarnersoq, Tobias Bergip aamma ilisimatitsissutigerusunngilaa, kisianni ''piaarnerpaamik'' pissasoq oqaatigaa.
Aamma atuaruk: Kalaallip inuusuttup meeqqat pornoliarineqarneri pillugit unnerluutigineqarnissani utaqqisariaqassavaa