Maniitsumi aalisartut pisassiissutinik agguaassineq paasiuminaatsikkaat
– Aalisarnermut Naalakkersuisup Nikolaj Jeremiassenip Maniitsup eqqaani saarullinniarnermik sooq killiliisariaqalernermut Maniitsumi aalisartunut nassuiaatigisariaqarpaa, aalisartoq Jens Lyberth oqarpoq
- Maniitsumi saarullinniarneq Naalakkersuisut killilersornialeraat illuatungerluinnaanik pisoqassasoq, tassa pisassiissutit qaffanneqartariaqartut, Jens Lyberth Maniitsumeersoq isumaqarpoq.
- Tamaani saarullippassuaqarpoq, saarulliit kangerlunnut pularsimammata ukiorlu saarullippassuaqartuaannarsimammat. Naa- lakkersuisut saarullittassanik sooq maanna killiliinerat paasisinnaanngilarput. Taamaat- tumik aalisarnermut naalakkersuisoq Nikolaj Jeremiassen tikeraartikkusuttorujussuugaluarparput, sunik suliaqarnerminnik sarullittassanillu killiliinerminni suut siunertaanerannik nassuiaassinnaaniassammatigut, Maniitsumi aalisartoq Jens Lyberth oqarpoq.
ATUARUK: Saarullitassat amerlineqarnerat akeqarsimavoq
Tamatumunnga tunuliaqutaasoq tassaavoq, Naalakkersuisut ilassutigineqartut avillugit nunap immikkoortuinut agguarneqarnissaannik, taamaalillunilu ilassutigineqartut nunatsinni aalisartunut amerlanerpaanut iluaqusiitinneqarnissaannik, sumiiffinni aalisarujussuarsinnaaneq pinngitsoorumallugu oktobarip 14-iani tusagassiortunut nalunaarutaat.
ATUARUK: Saarullittassat 8.000 tonsinik amerlineqarput
Royal Greenland Maniitsup eqqaani umiarsuaaqqat saarullinnut uumasunut usisallit atorlugit sulinimmik ukiuni kingulliunerusuni ingerlataqarsimavoq. Saarulliit pisarineqartut uumatillugit aalisartut bundgarniinit uumatitsivinnut assartorneqartarput, aalisakkallu ullualunni uninngatinneqariarlutik uumatillugit umiarsuaaqqanik saarullinnut uumatitsiviusunik usisalinnik Maniitsumut uumatillugit assartorneqartarlutik, tassanilu uumatitsivinniitinneqartarlutik. Saarulliit tamatuma kingorna ingerlaannaq tunisassiarineqartarput