isumaqatigiissut
Saarullitassat amerlineqarnerat akeqarsimavoq
Saarullittassat amerlineqarnissaannik tapersiinissaminut killeqanngitsumik aalisarfiusinnaasut atorunnaarsinneqarnissaat Demokraatit piumasaraat angullugulu
Saarullittassat 8.000 tonsinik amerlineqarnissaannik naalakkersuisuni isumaqatigiinniarnerit sakkortusimapput. Tassami pisassanik qaffaanissaq Demokraatit isumaqatiginngilluinnarsimavaat. Tamanna Sermitsiaq.AG-p isumaqatigiinniarnernik qanimut malinnaasumit paasisaqarfigaa.
Naalakkersuisut pingasunngormat ataatsimiiunneranni partiit siulittaasui Kim Kielsen (S) Randi Vestergard Evaldsenilu (D) naaperiarfissamik isumaqatigiissuteqarput.
Pisassat amerliniarneqarnerannik isornartorsiuineq tunngaeqarpoq aalisarnermut piniarnermullu politikkip ingerlanneqartup nalinginnaasumik naammagineqannginnera, Demokraatit isumaqaramik aalisarnermut politikki nalaatsornerinnarmik ingerlanneqartoq.
Taamaattumik partiip piumasaraa aalisakkanut politikkimi ersarissumik sunniuteqarnissani, saarullittaassat amerlineqassappata
Demokraatit isumaqatigiinniarnerni anguvaat killeqanngitsumik sumiiffinni aalaangersimasuni qaleralinniartarneq atorunnaarsinneqassasoq. Tamatuma saniatigut appanniarnermut pilersaarusiortoqartalissaaq.
Malitseqartinneqassaaq...