pissaaneqarniunneq
Lars-Emilip Vittu tapersersorpaa
Qujaukitsoq siulittaasussatut piukkunnarpoq, Lars-Emil isumaqarpoq, KNR taama allaaserinnippoq.
Vittus Qujaukitsoq parti Siumumi siulittaasunngornissaa, partiimi ilaasortatoqqap Lars-Emil Johansenip takorloorsinnaavaa.
Vittus Qujaukitsup Naalakkersuisutut tunuarnerata kingorna oqaloqatigisimaneraa, Lars-Emil Johansen, KNR-mit aperineqarpoq.
- Sassarnissamut tikilluaqqusaasoq oqarfiginikuuara. Piukkunnartuuvoq, taama akissuteqarpoq.
Partiip siulittaasussatut sassarnissara qinikkanit taperserneqarnini, Vittus Qujaukitsup, Sermitsiaq.AG-mut oqaatigaa, tapersersuisulli kikkuuneq isertuuppai.
Atuakkit:
Vittus Qujaukitsoq: Naalakkersuisunit tunuarpunga
Siumumi eqqissiviilliorneq: Vittup Kim Kielsen uppisinnissaanut piareersimavoq
Inatsisartuni siulittaasup tapersersuisunut ilaasinnaanera ilimagineqarsinnaavoq.
Lars-Emil Johansenip Kim Kielseni arlaleriarluni isornartorsiuisarsimavoq. Taanna Naalakkersuisup siulittaasuata namminiilivinnissamut suleriaasianit sukkanerusumik ingerlasoqarnissaa kissaatigalugu isertorani oqaaseqartarsimavoq.
Tamanna aamma Vittus Qujaukitsup oqaatigisimavaa, Naalakkersuisutulli tunuarnerminut aamma patsisinut ilaanerarnikuuvaa taamasillunilu Kim Kielsenip uppiseriartussanngorlugu.
- Siumup aqutsisuinut sassarnissara isertuutinngilara, tassani partiimut pingaarnersiuineranut sunniuteqarsinnaassangama, taanna Sermitsiaq.AG-mut oqarpoq.