Siumut
Vittus: Kisimiinngilanga
Naalakkersuisuusimasoq Vittus Qujaukitsoq piffissami sivisuumik partiimi pisut pillugit Siumut sinnerlugu qinigaasimasut oqaloqatigisaqattaarsimavai. Tamanna pissutigalugu parti Siumut aggustimi nuna tamakkerlugu siulittaasussasiulerpat, siulittaasutut qinigassanngortissamaarpoq.
- Ullumi aalajagernera tassanngaannaq aalajagernerunngilaq, taanna Sermitsiaq.AG-mut oqaluttuarpoq.
Ippassaq sianerfigitittoq
Taanna ullaaq Kim Kielsenimit sianerfigitissimavoq, tassani Suka K. Frederiksenip nunanut allanut oqartussaaffik tigussangaa, Erik Jensenip Martha Lund Olsen Naalakkersuisuunerata nalaani oqartussaaffigisimasai akisussaaffigilissammagit.
- Suliannik naammassinnilluarsimanngitsut naliliineruvoq, tamanna tusaatissatut tigusariaqarpara.
- Det var en klar underkendelse af min indsats, hvilket jeg må tage til efterretning. Men det er også et udtryk for, at retningen i Naalakkersuisoq, ja, den ser Kim og jeg forskelligt på, fastslår Vittus Qujaukitsoq, der straks kunne meddele Kim Kielsen, at han ville stoppe.
Partiip siulittaasua Naalakkersuisunulli siulittaasumut immikkoortunik marlunnik isumaqatigiinngissuteqarfigalugu ukuninnga tikkuaavoq: illersornissamut politikkit Nunattalu namminiilivinnissaa.
Kielsen nangaasoq
Namminiilivinnissaq sukkanerusumik ingerlanissaa Vittus Qujaukitsup Siumumilu ilaasortat ilaasa kissaatigaa, apeqqummulli Kim Kielsen nangaalluni.
Vittus Qujaukitsoq, 2016-ip naalernerani Politikkenimit danskit naalakkersuisuinik illersornissamulli politikki pillugu apersorneqarami tusagassiuutinit sammineqagaatsiarpoq. Tassani Kim Kielsen oqallinnermut akulerunnermini Naalakkersuisoq isumaqataaffiginagu oqaaseqarpoq.
- Isumaqatigiinnginneq piffisami sivisuumi pisimavoq, Vittus Qujaukitsoq oqarpoq.
- Siumup aqutsisuinut sassarnissara isertuutinngilara, tassani partiimut pingaarnersiuineranut sunniuteqarsinnaassangama, Vittus Qujaukitsoq oqarpoq.
"Kukkussutinik nassuerutiginninneq tamanit pisariaqartinneqarpoq"
Siulittaasunngorniuunnissamut apeqqut parti Siumumut akornusiissannginnersoq apeqqut pillugu, Vittus Qujaukitsoq, Sermitsiaq.AG-mut oqarpoq:
- Partiit tamarmik kukkussutiminnik nassuerutiginnittariaqartarput. Silaannarmik saliineq pitsaasuuvoq. Namminiilivinnissap sukkassusaa illersornissamulli politikki kisimik pineqanngillat. Partiilli inuiaqatigiinnut qanoq atugaqartitsinissaa aammalu politikkikkut ataqatigiissaartumik ingerlatsisoqarnissaa pingaaruteqarpoq.
Vittus Qujaukitsup Inatsisartuni qinigaasimannginninni pillugu qanoq pisoqarumaarnersoq nalullugu nassuerutigaa.
- Massakkut eqqissillunga sulinngiffeqassaanga, kisiannili politikkikkut tunuassamaanngilanga, taanna oqarpoq.
Isertortoq
Partiip inissisimaneranik nutaaliornissamulli ujartuinermini Siumut sinnerlugu qinigaanikut kikkut oqaloqatigisisarsimanerlugit Vittus Qujaukitsup oqaluttuarerusunngilaa.