aatsitassat
Kuannersuarni suliniut pillugu IA-meersoq ammanerunissamik kissaateqarpoq
Kuannersuarni suliniut isertuussinertalinnik ilallugu ingerlanniarneqassappat akuersaarneqarsinnaanngilaq, Inuit Ataqatigiinneersoq Kalistat Lund isumaqarpoq
- Greenland Minerals and Energy aatsitassarsiorsinnaanissaminut qinnuteqariaananngorsimava?
Inatsisartunut ilaasortap Kalistat Lundip partiimi naalakkersuisoqatigiinneersumi IA-meersoq, Naalakkersuisunut taama apeqquteqarpoq.
Tamatuma saniatigut taassuma paasiniarpaa, Greenland Minerals and Energy, uraninik akulinnik atortussianik Narsap eqqaani piiaaniartup, misissuineri sumut killinnersut.
Atuaruk: Kuannersuarni piiaaffik piviusunngornissaanut qanilliallattoq
Paasissutissat ersarissut
Qinnuteqartussaq piginnittoqarnikkut qanoq tunuliaqutaqarnersoq qanorlu siunissami piginnittoqarnikkut inissisimalerumaarnersoq ilisimaqqissaarneqartariaqartoq, Kalistat Lund apeqqummut tunngavilersuinermini allappoq.
Atuaruk: Politikkikkut GME-mut naaggaarnissamut Múte erseqqissaanngitsoq
- Piginnittut piginnittussallu 'oqaluttuassartaat' qularnaatsumik ilisimaneqartariaqarput qinnuteqaataajumaartussat suliarilinnginnerini.
- Isumaqarama Kuannersuarnut tunngatillugu suliarineqartut, inuiaqatigiinni taama malinnaavigineqartigalutillu soqutigineqartigisut, isertuussinertalinnik ilallugit ingerlanniarneqassappata, tamanna akuerineqartariaqanngitsoq, Kalistat Lund oqarpoq.
Atuaruk: Tusagassiorfik: IA-p GME unitsinniarlugu tamaviaarniarpoq