Kommuunimut qineqqusaarneq
Kristian Jeremiassenip Sermersooq nersualaarpaa
Kommuneqarfik Sermersooq siunissami takorluukkaminik tamanut saqqummiussinera kommuuninut allanut maligassiuvineruvoq, Kristian Jerimiassen oqarpoq.
Nalunngisatsitut Kommuneqarfik Sermersooq Nunatta oqaluttuarisaanerani inissianut pilersaarusiaq tamanut saqqummiuteqqammerpaa, tassanilu Nuup illoqarfittut ilassaa Siorarsiorfik sanaartorfigineqarnissalluni.
Naalakkersuisulli siulittaasuata Kim Kielsenip (S) pilersaatut 'isumaannakkut pilersaarutaanerarlugu' nalunaaruteqarpoq.
Atuaruk: Kielsen Nuummi suliniut pillugu: Isumaannakkut pilersaarut
Kommune maligassiuvisoq
Parteeqataasalu ilaat Qaasuitsup Kommunia kommunalbestyrelsemut ilaasortaq, Kristian Jeremiassen, maannalu Qaasuitsup Kommuniani kujallermi qinigassanngortittoq, Kommuneqarfik Sermersooq pilersaarusiaanut nersualaarinnippoq.
- Kommuneqarfik Sermersooq maligassiuivoq, tamannalu ilinniarfigisinnaavarput. Kommuneqarfik siunissamut pilersaarummik soqutiginartumik saqqummiusseqqammerpoq, Kristian Jeremiassen tusagassiuutinut nalunaaruteqarpoq.
Atuaruk: Asii Kielsenip assuarliinera pillugu: Terlersorluni saassussineq
Peqataatitsineq
Kommuneqarfik Sermersuumi innuttaasut siunissamut nalornissuteqarunnaarput kommunalbestyrelsip siunissamut pilersaarutinik saqqummiussimmat.
- Uagulli maanna kommunissatsinni Sermersuup iliorneratut innuttaasutsinnut isummagut saqqummiunnerisigut innuttaasut peqataatinnerulissavagut.
- Borgmester Asii Chemnitz Narupip suliaanut qujarusuppunga. Kommuneqarfik Sermersuumi suliatit pillugit maligassiuvivutit, Kristian Jeremiassen oqarpoq.
Atuaruk: Nunatta oqaluttuarisaanerani inissianut pilersaarut annerpaaq