Royal Greenland
Kinamiut siulliit tikittut
Kinamiut Royal Greenlandip suliffissuani sulisussat arfineq marluk, maajip qaammataani Maniitsumut tikipput.
Royal Greenlandip sulisortaavi kinamiut arfininngornermi maajip ulluisa 21-ani Maniitsumut tikimmata, Royal Greenlandimit aallartitaanit taamatullu Qeqqata Kommuniata aallartitaanit mittarfimmut niuffiorneqarput.
- Taakku nereqatigiinnissamut aggersangaapput, illoqarfimmi takuniaatinneqarlutik kiisalu Royal Greenlandip Maniitsumi tunisassiofianut takornariartinneqarlutik, Susanne Marie Knudsen suliffeqarfiup nittartagaanut allappoq.
Kinamiut tikerlaat tunisassiorfimmi sulilereerput, tamarmillu immikkut piffissani assigiinngitsuni suliartortarfeqarput aamma tunisassiorfimmi suleqatitaarisaminnit tikilluaqqulluarneqarput.
Atuaruk: Kinamiut maanna Nunatsinnut tikilerput
Kalaallisut ilinniartut
- Maniitsumi tunisassiorfimmi sulisut suleqatitaatik Kinameersut tikilluaqqulluarpaat aamma kalaallit oqaasiinik ilikkalertupallanniassammata kalaallisut oqaluuttarpaat, kalaallisullu oqallattaalereerput, Susanne Marie Knudsen oqaluttuarpoq
Taakku sulisunngorlaat Maniitsumiinnertik tunisassiorfimmilu sulinertik nuannaringaat, paasissutissiarineqarpoq.
- Taamatuttaaq initaatik naammagisimaarnerarpaat. Minnerunngitsumillu suleqatitaavut Maniitsumi innuttaasunit tikilluaqqulluarneqarput, Susanne Marie Knudsen oqarpoq.
Kinamiut allat qulit Royal Greenlandip Maniitsumi tunisassiorfianut suliartortussat sapaatip-akunneri marluk missaat qaangiuppata tikissapput, Royal Greenland paasissutissiivoq.
Atuaruk: Royal Greenland Kinameersunik sulisortaalerpoq