Skip to main content

Kinamiut maanna Nunatsinnut tikilerput

Kinamiut aalisakkanik tunisassiorfinni sulisussat 38-t Royal Greenlandip sulilersippai

Kinamiut 38-t tunisassiorfimmi sulisutut Royal Greenlandip tunisassiorfiinut pingasunut suliartorlutik Kalaallit Nunaannut maajip qiteqqunnerani juunillu qiteqqunnerani tikissapput.

Kinamiut 38-t suliartortitassat illoqarfinni pingasuni agguataarneqarlutillu sulilissapput, taakkunannga 19-it Maniitsumi, qulit Qasigiannguani qulingiluallu Uummannami sulissallutik.

- Tunisassiorfinni tunisassiornerit ataavartumik ingerlanneqarnerannik taamatuttaaq aalisartut pisaminnik malunnartumik sukkanerusumik utaqqinarfiuallaanngitsumillu tunisaqarsinnaanerannik kinguneqartumik suliassaminnik naammassinnilluarlutik sulisarnissaat neriuutigalutigulu isumalluarfigaarput, suliffeqarfissuarmi sulisoqarnermi ingerlatsisoq Søren Olsen Damgaard, tusagassiuutinut nalunaarummi oqarpoq.

Atuaruk: Royal Greenland Kinameersunik sulisortaalerpoq

Sulisinnaanermut akuerineqartut
Kinamiunik 38-nik suliartortitsisoqarnissaa Qeqqata Kommunianit aamma Qaasuitsup Kommunianit akuersissutigineqareertut, nunanillu allaneersunut aqutsisoqarfimmit Kinamiut tikisinniakkat tamaasa Kalaallit Nunaanni najugaqarsinnaatillugillu sulisinnaatillugit akuersissutigineqareertoq ilisimatitsissutigineqarpoq.

- Nunanit allaneersunik suliartortitsisariaqarnitta takutiinnarpaa tunisassiorfinni suliassarpassuaqartoq. Ulapaarfimmi sulisinnaasut amerlanerujussuit pisariaqartippavut, aallartiffeqartariaqarattali taamatuttaaq isumaqaratta amerlavallaartunik suliartortitsineq pissusissamisuunngitsoq Kinamiunik 40-ngajannik suliartortitsinissarput aalajangerparput. Ulapaarfik qaangiuppat allatigut qanoq iliornissarput aalajangissavarput, sulisoqarnermut pisortaq erseqqissaavoq.

Kinamiut tunisassiorfimmi sulisutut Royal Greenlandimut suliartortussat illunilu Royal Greenlandimit pigineqartuni inisimasussat 38-usut Kalaallit Nunaanni najugaqarnissamut sulinissamullu allagartatik Udlændingestyrelsenimut ukiut tamaasa nutartertikkiartortassavaat.

Atuaruk: Royal Greenland savner arbejdskraft i Uummannaq

Illoqarfinni innuttaasunik ataatsimiititsineq
Royal Greenland Maniitsumi Uummannamilu innuttaasunik apriilip naalernerani ataatsimiisitsissaaq, ataatsimiisitsinernilu Kinamiunik tunisassiorfimmut suliartortitsinermut tunngavigineqartut ilisimatitsissutigineqassapput.

- Kinamiut suliartortitassatta tikilluaqqunissaat qilanaaraarput. Sulisussaaleqisarnerpummi  pakkersimaarusullugu suliartortinniarpavut, illoqarfinni pingasuni pineqartuni innuttaasut suleqatissavut tikilluaqqulluarumaaraat neriuutigalutigulu qularinngilarput, Søren Olsen Damgaard oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER