Naalakkersuisooqatigiit
Kim Kielsen: Naalakkersuisooqatigiit ingerlalluarput
Naak naalakkersuisuni nikittoqaraluartoq, akitsuutinik ajornartorsiuteqartoqarluni, aalisarnermut inatsisissamik saqqummiussisoqanngikkaluartoq ammasumillu ingerlatsisoqanngikkaluartoq, Naalakkersuisut pisussusissamisut ingerlasut, Naalakkersuisut siulittaasuat naliliivoq
Nalunaqutaq qulinngorpoq, Namminersorlutillu Oqartussani tusagassiortunut inimi Naalakkersuisut siulittaasuata Kim Kielsenip (S), naalakkersuisooqatigiinnermi isumaqatigiissummi killiffik meeqqanullu ukiorititaq pillugu saqqummiinissaanut Tusagassiivimmi sulisut piareersarput.
Isumagissaartoqaqaaq siulittaasullu saqqummiussissutissaata assilinera kalaallisuunngorlugu qallunaatuunngorlugulu nerrivimmut piareerlugu iliorarneqarpoq powerpointilu misilerarneqarluni, taamaanneraluni taassuma allattaata suut tamarmik pissussissamissut innerat misissoqqissaarpaa.
Assit takukkit: Randi naalakkersuisooqatigiit droninngertaaraat
Naalakkersuisooqatigiit nukittuumik inissisimapput
- Naalakkersuisooqatigiinnermut isumaqatigiissutip malitsigisaanik suliniutit arlallit aallartippavut. Inatsisissatut siunnersuutit arlallit Inatsisartunut suliassanngorlugit saqqummiuppavut, taakkulu ilarpassui akuersissutigineqareerput, Kim Kielsen tusagassiortunik katersortitsinerup naammassinerani imminut tatigerpasilluni talliminik ussersuutigaluni oqarpoq.
Taanna naalakkersuisooqatigiit qanoq ingerlalluartiginerannik nunattalu siunissaanut aningaasatigut imminut napatinnissaq siunertaasoq nalunaaquttap akunnera sinnerlugu tusagassiortunut nassuiaareerpoq.
Sukarsuit ilisimaneqartut sisamat, tassalu aalisarneq, aatsitassat, takornariarneq nunamilu inuussutissarsiutit allat oqaatigineqarput, arlaannaannillu puigugaqartoqanngilaq.
Atuaruk: Sulisitsisut: Naalakkersuisut tatigeqatigiinneq nalorninartorsiortippaat
Aningaasanik immikkoortitsinngitsut
Kim Kielsenip nammineerluni 2016 meeqqanut ukioritinneqassasoq suaarutigaa, atuartartullu eqqummaarissup qangalili aningaasanut inatsisikkut aningaasanik amerlanersunik atugassiisoqarsimanngin nera malugisimajunnarsivaa.
Innuttaasut ataasiakkaat meeqqat atugaannik pitsannguinissamut aamma periar ssaqartut erseqqissassalugu pingaaruteqarpoq, taanna oqarpoq.
Atuaruk: Kielsen: 2016 meeqqat ukiorissavaat
Allaaserisaq tamaat Sermitsiami atuaruk, taanna pisiniarfinni ullumi pisiarisinnaavat. Aviisi aamma uani pisiarissallugu periarfissaqarputit: