Aningaasanut inatsit
Kiffartuussinermut isumaqatigiissummut 22 millionit saniatigut aningaasaliissutaasut
Aningaasanut inatsimmut isumaqatigiissummi kiffartuussinermut isumaqatigiissummut saniatigut aningaasaleeqqittoqarpoq
Angallassinermut kiffartuussinussamut isumaqatigiissutit akerleriissutaasut ilassutitut isumaqatigiissutiginissaannut 22 millionit koruunit. Attaveqarnermut naalakkersuisup, Martha Lund Olsenip (S), aningaasat taama amerlatigisut atorsinnaassavai.
Atuaruk: Kiffartuussinermut isumaqatigiissutit pillugit ataasinngorpat nutaarsiassaqassaaq
Inatsisartut aningaasat amerlanerpaaffissaat aalajangissagaat
Ullumi nalunaaqutaq qulingiluanut tusagassiortunik katersortitsinermi, aningaasat taakku qanorpiaq atorneqassanersoq taassuma saqqummiutissavaa.
Kiffartuussinermut isumaqatigiissutit aallaqqaataanit 121 millionit koruuninik akeqarnissaat Inatsisartut aalajangiukkaluarpaat.
Atuaruk: Kim Kielsen: Ajornerulertoqarnissaanik aarlerisaarinikuuvugut
Isornartorsiorneqarnerup kingorna saniatigut aningaasaliinerit
Isumaqatigiissutit atsiorneqareermata aalajangiinerup kingunissai politikerinit paasineqarput. Taamaattumik aningaasanut inatsisip aappassaaneerneqarnerani piaartumik 18,1 millionit koruuninik saniatigut aningaasaliisoqarpoq.
Naalakkersuisoqatigiinngortulli inissikkamik aningaasat taakku pitsanngorsaanissamut kissaatigisanut naammanngitsut paasivaat. Taamaattumik aningaasanut inatsisip inaarutaasumik isumaqatigiissutigineqarnerani saniatigut 4 millionit koruuninik aningaasaliisoqarpoq.
Atuaruk: Knud Kristiansen: Isumaqatigiissutini periarfissanik amerlanernik ujaasivugut
18 procentimik akisunerusoq
Kiffartuussinermut isumaqatigiissutit maanna 143 millionit koruuninik 121 millionit koruuninut taarsiullugu akeqalernissaannik tamanna kinguneqarpoq. Taamaalilluni siunniussamit isumaqatigiissutit 18 procentimik akisunerupput.