KL

DK

aalisakkerivik

Kielsenip aalisakkerivittaaq ammarpaa

Nuummi aalisakkerivittaaq Polar Seafoodimit pigineqartoq, ammaanersiorneqarnerani inuit 100-t missaat takkupput.

Qalersaq aappaluartoq Kim Kielsenimit qiorneqarpoq aalisakkerivittaarlu pisortatigoortumik ammarneqarluni
Nunatsinni aalisarnermik ingerlatallit pingaarnerit ilaat oqaoqatigiipput
Kim Kielseni aalisakkeriviup inaanik takornariartinneqarpoq
Aalisakkerivittaami siullermik 25-nik sulisoqarfiusussami saarullik tisaneqarlunilu salinneqarpoq
Nunatsinni aalisarnermik ingerlatallit pingaarnerit ilaat oqaoqatigiipput Leiff JosefsenKim Kielseni aalisakkeriviup inaanik takornariartinneqarpoq Leiff JosefsenAalisakkerivittaami siullermik 25-nik sulisoqarfiusussami saarullik tisaneqarlunilu salinneqarpoq Leiff JosefsenQalersaq aappaluartoq Kim Kielsenimit qiorneqarpoq aalisakkerivittaarlu pisortatigoortumik ammarneqarluni Leiff Josefsen Leiff JosefsenNunatsinni aalisarnermik ingerlatallit pingaarnerit ilaat oqaoqatigiipput Leiff JosefsenKim Kielseni aalisakkeriviup inaanik takornariartinneqarpoq Leiff JosefsenAalisakkerivittaami siullermik 25-nik sulisoqarfiusussami saarullik tisaneqarlunilu salinneqarpoq Leiff JosefsenQalersaq aappaluartoq Kim Kielsenimit qiorneqarpoq aalisakkerivittaarlu pisortatigoortumik ammarneqarluni Leiff Josefsen Leiff JosefsenNunatsinni aalisarnermik ingerlatallit pingaarnerit ilaat oqaoqatigiipput Leiff Josefsen
Jørgen Schultz-Nielsen

Kim Kielsenip, Polar Raajat aalisakkerivittaavatani saavani - aalisakkerivittaaq nutaaliaalluinnaq 1500 kvadratmeterinik angissusilik pingaarnertut qaleralinnik, saarullinnik assagiarsunnillu suliaqarfiusussaq, qiutit tigullugit qalersaq qiormagu isseqaaq, nuannaarfiuvorli.

Siuarsaaneq

Polar Seafoodimi siulersuisuni siulittaasoq, Henrik Leth, aggersaasimaneq aallarnerlugu oqalugiaateqarpoq, tassanilu oqaatigaa, suliffeqarfik aalisakkerivittaamik allisinneqarnera, nuannaarutigalugu oqaatigaa.

- Suliffeqarfiutitta allilerneqarnera nuannaarutigaarput. Inuiaqatiimmi iluaqutissaannik siuarsaanikkut suliffiit nutaat pilersikkuppavut, Henrik Leth, aalisarnermut inatsit, aqagu sisamanngornermi siullermeerluni oqaluuserineqartussaq eqqaanngitsoorsinnaanagu, oqarpoq. Taassuma eqqarsarnartoqartippaa politikkikkut pilersaarutigineqartut aalisarnermik inuussutissarsiornerup tunngavianut aarlerinartorsiortitsinera eqqarsarnartoqartippaa, taamaakkaluartoq Polar Seafoodip anguniakkani attatiinnarusuppai.

- Ineriartortitsineq ilinniartitaanermut, teknologimut, imaani nunamilu piujuaannartitsinermut aningaasaliinissamik piumasaqaatitaqarnera, Henrik Lethip oqaatigaa, Kim Kielsenillu, piffissami ulapaarfimmini, aalisakkerivimmik ammaasinnaanera immikkut qujassuteqarfigaa.

Aalisakkeriviup nunat tamalaat akornanni pitsaassuseq malillugu suliarineqarsimanera, Kim Kielsenip nuannaarutigaa.

- Pilluaritsi. Ineriartortitsinermi nutaanik anguniangassaqartitsilerpusi, Kim Kielsen, qalersaq aappaluartoq ataasiarluni qiorneqarluni nunamut tunngitsiarnerani, tusagassiortullu assiliisartuinit arlalinnit assilineqarluni, oqarpoq.

Aamma atuaruk: Nuummi aalisakkerivittaaq ammaanersiorneqassaaq

Nuup umiarsualiviani illorsuup tungujortup silataani oqalugiartoqareermat, iluani kaffillertoqarluni kaagillertoqarpoq, aalisakkerivittaarlu takornariartinneqarluni.

Pisoqarneranit assilisat ataani takukkit:

inuussutissarsiutit assit
Powered by Labrador CMS