Containerinik suliaqarnerlunneq

Royal Arctic Line'p containerit arfineq-pingasut Tasiilamut puiorai

Umiarsuaatileqatigiiffiup Royal Arctic Line'p containerinik suli suliaqarnerluppoq

Rederiet bøvler fortsat med at håndtere de mange containere korrekt. Royal Arctic Line

Naak Namminersorlutik Oqartussat suliffeqarfiutaannit isornartorsiorneqaraluarluni Attaveqaqatigiinnermullu Naalakkersuisumut, Erik Jensenimut pitsaanerusumik suliaqalernissaq neriorsuutigineqarsimangaluartoq, umiarsuaatileqatigiiffiup pitsaassutsimut piumasarineqartut naammassiniapiloorpai.

Containerit qulit suliarinerlunneqartut

Sapaatip-akunnera 42-mi containeri ataasiinnaq kukkusumik suliarinerlunneqarsimanera pitsanngoriaateqarpasitsitsivoq. Nuannaarnerlu sivikitsuinnaasoq sapaatip-akunnera 43-mi pitsaassutsimut uuttortaanerup takutippaa. Sapaatip-akunneranimi containerit katillugit qulit suliarinerlunneqarsimapput.

Umiarsuaatileqatigiiffiup sapaatip-akunnera 43-mut pitsaassutsimut uuttortaanerani ingerlatseqatigiiffiup paasissutissiaraa containerit arfineq-pingasut Tasiilami usiliunneqanngitsoorsimasut, Qasigiannguanilu kukkusumik inniminniisoqarsimanera pissutigalugu containerit marluk usigiarneqarsimallutik.

Sapaatip-akunnera 43-mi containerit taakkut qulit suliarinerlutaanerit pissutigalugit kukkuneq 1,0 procentiusoq, umiarsuaatileqatigiiffik nittartakkamini paasissutissiivoq.

Piffissami sivikitsumi

Naalakkersuisoq Erik Jensenip Sermitsiaq.AG'mut naatsorsuutigalugu oqaatigisimavaa, umiarsuaatileqatigiiffiup "piffissap sivikitsup" ingerlanerani sullissinini, aaqqiissuteqarfigissagaa.

Powered by Labrador CMS