Kalaallit Nunaanni Naatsorsueqqissaartarfik
Kalaallit Nunaanni Naatsorsueqqissaartarfiup siulittaasua tunuarniuteqassalluni siorasaarisimasoq
Kalaallit Nunaanni naatsorsueqqissaartarfimmi siulersuisunut ilaasortaq siusinaartumik Naalakkersuisut soraarsimmassuk siulersuisuini siulittaasup tunuarnissani eqqarsaatigilersimavaa. Tamanna KNR-ip allakkanik takusimasaani erserpoq.
Naalakkakkersuisut Kalaallit Nunaanni Naatsorsueqqissaartarfimmi siulersuisunik nutaanik toqqaasoqarnissaanik kissaateqarnerat pillugu siulersuisuni siulittaasoq tunuarnissamik eqqarsalersimangaluarpoq.
Siulittaasup Vøgg Løwe Nielsenip aamma aningaasaqarnermut akileraartarnermullu naalakkersuisoqarfiup pisortaata allaqatigiissimanerani KNR-ip takusimasaani tamanna erserpoq.
AG-iip allaaserisimavaa siulersuisuni siulittaasup tullia, Henrik Leth, Akileraartarnermut Aningaasaqarnermullu Naalakkersuisup Aqqaluaq B. Egedep soraarsissimangaa. Soraarsitsineq siulittaasup Vøgg Løwe Nielsenip taamani paatsuugassaanngitsumik isornartorsiorpaa.
KNR-illu allagaatinik takunnissinnaatitaaneq atorlugu takutippaa, taanna tunuarniarsimangaluartoq, Naatsorsueqqissaartarfillu pinerullugu ingerlaqqiinnarsimasoq
Aamma atuakkit:
Naalakkersuisut Henrik Leth maannaannakkut soraarsikkaat
Naatsorsueqqisaartarfimmi siulersuisut ajunngitsorsiaqartinneqaleriasaartut
Nassuiaat nutaaq: Inuussutissarsiornermut soqutigisat Lethip soraarsinneqarneranut pissutaapput