Kalaallit Røde Korsiat
Kajumissutsimik suliaqarnermut Sisimiut rekortiliisoq
Røde Kors inuusuttunik 33-inik Sisimiuni kajumissuseq tunngavigalugu suliaqarusuttunik pikkorissartitseqqammerpoq, Sisimiunilu immikkoortortaqarfimmik aallarniilluni
Kalaallit Røde Korsiata inuusuttunut suliuniutaa, KRK Inua, septemberiminngaanniit novemberimut sulerusuttunik piffinnut pingasunngorlugu avitamik Nuummi, Ilulissani Aasiannilu pikkorissartitseqqammipput.
Saninnguatigullu INUA Sisimiuni immikkoortortaqarfimmik aallarniilluni.
Suliniutinik aallartitsiniartut
KRK Inua Villumfondemit taperneqartoq, inuusuttunik kajumissutsimik sulerusuttunik amerlasuunik pilersitsinissaq siunertaraa, taakku illoqarfigisaminni inuusoqatiminnut arlaatigut atugarliuutilinnik pilersaarusiukkaminnik sammisassaqartitsisinnaanngortinniarneqarput.
Nunatsinni Sisimiuni aallarniinermi illoqarfinni ingerlatsiffinni illoqarfiit tallimassaraat. Illoqarfik aamma inuusuttut kajuminneq tunngavigalugu sullisserusuttut amerlassutsimikkut soqutiginnittutigut rekortiliipput, tassami 20-t pikkorissaanermi peqataammata tamarmillu allagartartaarlutik naammassillutik sulinissamut piareerlutik.
Nammineq amerliartulertut
KRK Inuata 2013-mi aallartinneraniik kajuminnermikkut sullisserusuttut 126-t pikkorissarneqarnikuupput. Uani ukiariaani pikkorissaatitsinerup allaaqutigaa pikkorissaatitsisut kajuminnermikkut nammineq sullissisuugamik suleqatissaminnik taamaalillutik nammineerlutik pikkorissaasutut inisseqqallutik.
Uani ataani Røde Korsip illoqarfinni assigiinngitsuni pikkorissartitsineranit assit takusinnaavatit
Aamma atuaruk: Nunatsinni inuusuttunut atugarliortunut tapiissutit millionillit