aatsitassat
Innuttaasut taasitinneqarnissaannut amerlanerussuteqartut
Uranimik qalluinissamut atatillugu innuttaasut taasitinneqarnissaannut Inatsisartunut siunnersuutit pingasut
Urani pillugu innuttaasunik taasisitsi- nissamik Inatsisartuni amerlanerussuteqartoqarpoq. Partiit Inuit Ataqatigiit, Partii Naleraq, Atassut kiisalu attaviitsoq Naaja Nathanielsen, katillugit ilaasortanik 16-inik tunuliaqutaqartut, Inatsisartut upernaakkut ataatsimiinneranni uranimik qalluineq pillugu innuttaasut taasitinneqarnissaannut tapersersuipput.
Illuatungaanilu Siumut Demokraatillu katillugit ilaasortanik 15-inik tunuliaqutaqartut, urani pillugu taasisitsinissamut akerliupput. Amerlanerussuteqarnerli siunnersuuteqartut iluaqutigisinnaassagunanngilaat. Suummi taasissutigineqarnissaa siunnersuuteqartut pingasuusut akornanni isumaqatigiissutigineqanngilaq.
Suummi taasissutigineqarnissaa siunnersuuteqartut pingasuusut akornanni isumaqatigiissutigineqanngilaq.
Atuaruk: Wæver Johansen: Uranimik akerliusut ersisaaripput
Siunnersuut
Inuit Ataqatigiit Partii Nalerarlu uranimik, aatsitassanillu allanik qinngornernik ulorianartunik akoqartunik qalluinissamik akuersaanngilluinnarnissaq tapersersorpaat. Akerlianillu Atassutikkut aatsitassanik radiup qinngorneranik akoqartunik saniatigooralugu qalluisinnaanermut qummut killiliinissamik kissaateqarput.
Steen Lynge Atassummeersup aatsitassanik radiup qinngorneranik akoqartunik saniatigooralugu qalluisinnaaneq kiisalu 0,05 procentimik annerpaaffiliinissap innuttaasunit taasissutigineqarnissaa siunnersuutigaa.
Atuaruk: Peqatigiiffiit: Uranimik isumaqatigiissut isumannaatsuunngilaq
Akerlianik IA-kut Kalaallit Nunatsinni uranimik allanillu radiup qinngorneranik akulinnik qalluisinnaaneq avammullu niueruteqarsinnaaneq pillugu innuttaasunik taasisitsinissaq siunnersuutigaat.
Partii Naleqqamit radiup qinngorneranik akulinnik aatsitassarsiornissani taamaallaat innuttaasut aperineqartarnatik, aatsitassarsiorfinnilli aallartitsinialersoqartillugu innuttaasut aperineqaqqaartarnissaat siunnersuutigaat.
Atuaruk: Aatsitassarsiorfiit nunatta karsia sinneqartoortissinnaagunarpaat
Allaaserisaq tamaat Sermitsiami nutaami saqqummertumi atuaruk, taanna uani pisiarisinnaavat: