Aatsitassarsiorfiit nunatta karsia sinneqartoortissinnaagunarpaat

Aatsitassarsiorneq kalaallit aningaasa­ qarnerannut iluaqutaasinnaalluarpoq, ilaasali ilimagisaattut annertutiginngitsu­mik. Pissutsit pitsaanerpaaffimmiinneranni aatsitassat amigartoornissamik aarlerinaat ingalassimatissinnaavaat.

Taama ujarassiornermut professori Minik Rosing Sermitsiamut oqarpoq. Taanna ilisi­matusartunut ingammik Nuummit Køben­havnimilu universitetineersunut ukiut marluk matuma siorna 'Kalaallit Nunaata iluaqutissaa'­mik saqqummiussisunut siuttuuvoq. Tassani aatsitassarsiornermik ingerlatsinerup kinguneqaatissai ilisima­ tusartut misissoqqissaarpaat, siunissamilu ineriartornissamut periusissianik sisamanik saqqummiillutik.

Aatsitassat tupinnartumik kinguneqanngitsut
Minik rosing pingasunngornermi Køben­havnimi Folketingimi Kalaallit Nunaanni uranimik qalluineq avammullu niueruteqar­neq pillugu tusarniaanermi peqataavoq.

Tassanilu nalunaarusiap inerniliussai suli allannguuteqanngitsut oqarpoq: Aatsitassat Kalaallit Nunaata aningaasaqarnerani tupin­nartuliornermik kinguneqaateqarnissaan­nut ilimanartoqanniglaq, aatsitassarsiorfiilli aningaasarsiornikkut ineriartornermut tapertaasinnaapput.

Atuaruk: Nalunaarusiaq 'Kalaallit Nunaannut iluaqutissat' atuaruk

– Immaqa sukkasuumik ilaasalu kissaa­tigisaannut annertutigisumik tamanna pissanngilaq, tamannali suliffissaqartitsiner­mut isertitanullu annertuumik sunniute­qarumaarpoq. Siunissami qaninnermi im­minut napatittumik aningaasarsiulernissap takorloornissaa ingalassimatinneqaannas­saaq, Minik Rosing Sermitsiamut oqarpoq.

Aamma atuakkit:

Attuumassuteqanngitsumik paasisassarsiornermut millionit

Sumiiffinni 8-ni uranimut akerliussutsimik takutitsissamaartut

Allaaserisaq tamaat Sermitsiami saqqummeqqammertumi atuaruk, taanna uani pisiarisinnaavat:

Sermitsiaq Uge 11 2016

Klik her for at læse