ilinnialerneq
Ilinniarniarlutik qinnuteqarnissat suli angumerisinnaavat
Namminersorlutik Oqartussat teknikkikkut ajutoorneq pissutigalugu qinnuteqarnissamut killigititaq sivitsorpaat
Piffissami kingullermi Sullissivik.gl-imi teknikkikkut ajutoorneq pissutigalugu GU-mut aamma Ilisimatusarfimmut nittartakkakkut qinnuteqarnissaq pisinnaasimanngilaq, Namminersorlutik Oqartussat ilisimatitsipput.
Ajutoorneq ataasinngornermi unnukkut februaarip 29-anit marsip aallaqqaataani nalunaaqutaq ataatsip tungaanut pivoq.
Ingerlaqqilertoq
Maannakkullu iluarsineqareerluni. Ajutoorneq peqqutigalugu nittartakkakkut qinnuteqarfissaq sivitsorneqarpoq marsip pingajuat 2016-imut killeqalerluni.
Namminersorlutik Oqartussat aamma maluginiaqquaat, mailikkut qinnuteqaatip tiguneqarsimaneranut uppernarsaammik, GUX-imit imaluunniit Ilisimatusarfimmit tigusaqartoqarsimanersoq eqqumaffiginissaa.
Atuaruk: GU-mi ilinniartut Ilisimatusarfiup sukaterinera isornartorsiorpaa