ilinniartitaaneq
Ilinniarnertuunngorniat paasisassarsiorlutik angalasut
GUX Aasianni aasaru naammassisussat Københavnimut, Aarhusimut Lundimulli immikkuullarissumik paasisassarsiorlutik angalareerlutik uteqqammerput.
Klasse pilersinneqarsimavoq ilinniarnertuunngoreernerup kingorna ilinniaqqinnissamik kissaateqartunut.
Aamma atuaruk: Ilinniarnertuunngorniat ilisimatusarfinnut ingerlaqqinniartut
Ilinniarnertuunngorniat tamarmik immikkut ilinniakkamik paaserusutaminnik allagaqaasioqquneqarsimapput. Inernerisimavaalu Københavnip, Lundip Aarhusillu Universitetiannut, Rytmisk Musikkonservatoriumimut, Danmarks Tekniske Universitetimut kiisalu Danmarks Medie og Journalisthøjskolemut angalanissaq.
Ilinniarnertuunngorniat ilinniagaqarfiusinnaasuni ilaatigut suut piumasaqaataanersut paasisimaavaat. Aarhusimilu ilinniartut najugaannik saqqummiivigineqarsimallutik.
Ilinniarnertuunngornianut iluaqutaavoq
– Ukiuni arlalinni najugarisinnaasartik alakkaramikku misigisaqarfigalugu iluaqutaasimasinnaanera ilimagaara. Københavni Aarhusilu qanorsuaq eqqartorneqarsinnaapput kisianni nammineq takusassaavoq qanoq innera paasissagaanni, GUX Aasianni, perorsaanermut aqutsisoq, Mads Lyngby Skrubbeltang oqarpoq.
Paasisassarsiorluni angalaneq piginnaanngorsaanertut taarsuppaa Kalaallit Nunaannilu ilinniarnertuunngorniarnerup nalaa ilinniarnertuunerullu assigiinngissutaat paasineqarsimalluni.
Ileqqoq ataavartoq
Angalaneq pissarsiaqarfiungaatsiarsimanera pissutigalugu ileqqutut attatiinnarneqarnissaa GUX Aasiaat nalilersuiniarpoq.