aanngajaarniutit
Hashimik ujaasineq 60 millioninik akeqarsinnaasoq
Hashimik atuinerup kinguneranik amerligaluttuinnartut tarnimikkut peruluuteqartalerput. Anngiortumilli eqqussuisut killilerniarlugit qanoq iliortoqarsinnaava?
Ikiaroornartoq hash Danmarkimi tunineqartartoq – taamaalilluni aamma Kalaallit Nunaanni – aatsaat taama sakkortutigilerpoq. Europamiut ikiaroornartunut qitiusumik nakkutilliiviannit nalunaarusiami nutaami oqaatigineqarpoq, hashi Danmarkimi tunineqartartoq Europami sakkortunersaasoq.
Taamaammat tamatumunnga atatillugu nakkutillinerup sakkortusineqarnissaa anngiortumillu eqqussuisut nunani kujasinnerusuniittut ujarneqartarnerisa sakkortunerulersinnissaannut pissutissaqarluartoq, Atassut isumaqarpoq. Apeqqutaaginnalerporli qanoq?
Atuaruk: Hashimut sakkortusaarnerulernissap tapernerneqarnera Demokraatit nuannaarutigaat
Akisusinnaasoq
Nunami nassiussuiffiusumi, tassa Danmarkimi nakkutilliinerup annerusumik nukimmik atuiffiusariaqarneranik, Inatsisartunit kissaatigineqartup malinneqartariaqarnera, partiip Naalakkersuisunut kajumissaarutigaa.
Steen Lynge aamma Siverth K. Heilmann tamatumunnga atatillugu Naalakkersuisunut arlalinnik apeqquteqaateqarput. Pineqartumut atatillugu Danmarkimit iliuuserineqartartut avataasigut iliuuseqartoqassappat tamanna Nunatta karsianut akisoorujussuanngorsinnaasoq akissutigineqartuni paasinarsivoq.
Allaaserisaq tamaat AG-mi uani sapaatip akunnerani saqqummertumi atuaruk. Aviisi uani aamma pisiarinissaanut periarfissaqarputit: