Inatsisartut
Hashimik atuinermut misissuisarnissaq naalakkersuisoqatigiinni avissaartuussutaasoq
- Inatsisitigut isumannaatsuunermut tunngatillugu, siunnersuut kinguneqarnerlussaaq, Atassummeersoq Steen Lynge isumaqarpoq
Hashimik ikiaroorsimanermik ilinniarfinni aamma kollegiani misissortittoqartalernissaanik siunnersuut tunuartiguk.
Partiimit naalakkersuisoqataasunit Inatsisartunut ilaasortaq, Steen Lynge, taama oqariartuuteqarpoq.
Siunnersuut akerleriiffiusoq
Taamaalilluni ilinniarnermut naalakkersuisoq, Nivi Olsen, siunnersuummik akerleriiffiusumik attassiinnarniartoq taassuma akerlilerpaa, ilinniartut hashimik pujortartarnersut imluunniit allamik unioqqutitsillutik atuisuunersut taanna inatsisissatut siunnersuuteqarpoq.
Atuaruk: Ilinniartut ikiaroornartutorsimanerannik misissuisarneq
Unioqqutitsinernut tunngatillugu politiit akisussaaffiat ilinniarfeqarfiit sulisuinut nuunneqarpat ajortumik kinguneqassasoq, Steen Lyngep tikkuarpaa.
Inatsisinik tunngaveqartoq
- Misissuinermut akisussaaffik politiinit allanut nuunnerata kingunerissavaa, naalagaaffik inatsisit tunngavigalugit naalakkersugaasumit, inuit ataasiakkaat pisinnaatitaaffiinik annertuumik tatisinermut nuunnerussaaq. Tamatumunnga pissutaavoq, pisinnaatitaaffiit ilinniarfiit ataasiakkaat ingerlataannik naliliisoqartassammat, Steen Lynge tusagassiuutinut nalunaarummi oqarpoq.
Ilinniarnissamut pisinnaatitaaffik
Kikkulluunniit piumasaqaatinik naammassinnittut, misilitsinnerillu piumasarineqartut angusiffigigunikkit ilinniakkamik naammassinninnisaminnut pisinnaatitaaffeqartut aamma taassuma oqaatigaa - pineqartoq aamma inatsimmik unioqqutitsigaluaruni unioqqutitsinikuugaluaruniluunniit.
- Ilinniarfeqarfiit ilinniartunut erseqqissaatigisinnaavaat, inatsimmik unioqqutitsinerit oqartussanut nalunaarutigineqartartut, aanngajaarniutinillu atornerluinermut pinaveersaartitsineq ilinniarfeqarfiit atorsinnaavaat, kisianni politiit suliaat tigussanngilaat, Steen Lynge oqarpoq.
Atuaruk: Imarsiornermik Ilinniarfiup ikiaroornartoq sakkortuumik iliuuseqarfigaa
Nivi Olsenip siunnersuutaa pillugu AG normu 42-mi atuaqqiguk