umiatsiat taxat
Greenland Water Taxi allilerivoq
Kujataani angallatit taxat attartorneqarsinnaalissapput
Takornarissat aamma Qaqortumi innuttaasut angallammik taxamik attartornissamut periarfissaqalingajalerput.
Tassami Greenland Taxip niuerfini allivaa, Qaqortoq Water Taxi aallartinneqarpoq.
Allilerineq suliffeqarfik 60 North Greenland suleqatigalugu pivoq, taanna sisamanik angallateqareerpoq suliassanillu assigiinngitsunik suliaqarsinnaassaaq, Greenland Water Taxi tusagassiuutinut nalunaarummi ilisimatitsivoq.
Atuaruk: Nuummi imaatigut taxarit
Nittarsaassineq nukittooq
Suliffeqarfik 2013-imili akunnikkaartumik Ilulissani imaatigut angallassinissamut neqerooruteqarpoq, kingornalu angallataateqarfik aamma Nuummi aallartinnikuuvoq.
- Angallatinik attartortinerup ersarinnera aamma nittarsaanneqarnerata nukittunera pissutigalugu Water Taxi suleqataalerpugut, tamanna peqataaffigerusukkatsigu, 60 North Greenlandimi piginnittoq, Rasmus C. Rasmussen oqarpoq.
Qaqortumi Bella 700 Patrol atorlugu Water Taximik angallassisoqartarneiarpoq, 2017-imilu aamma Qeqertarsuup Tunuani taamaattoq takuneqarsinnaassaaq.